Soma Biblia Kila Siku Aprili 2021Mfano

Kuna Wakristo wengi wanaoona kwamba kama wakiacha dhambi, basi ni lazima wapate faida. Ni haki yao. Tena ni haki yao kutoteswa kama Ayubu. Katika somo la leo Elihu anatilia mashaka madai haya. Mbingu zauhubiri ukuu wa Mungu. Basi tujifunze kwamba tutende dhambi, tusitende, haki ina Mungu. Kizuiacho tusione hivyo ni kiburi, na hicho ni ubatili. Hapana asemaye, Yuko wapi Mungu Muumba wangu, Awapaye nyimbo wakati wa usiku; Atufundishaye zaidi ya hayawani wa nchi, Na kutufanya wenye hekima kuliko ndege za angani? Maneno haya ya Elihu katika m.10-11 yanatupeleka kwa Yesu. Tukumbuke asemayo katika Mt 6:33, akituambia kutafuta haki ya Mungu badala ya kutetea na kudai ya kwetu: Utafuteni kwanza ufalme wake, na haki yake; na hayo yote mtazidishiwa.