Soma Biblia Kila Siku Aprili 2021Mfano

Chakula cha Bwana si kwa kumbukumbu ya mateso ya Yesu tu, bali pia ni tumaini la kuja kwake mara ya pili na tegemeo letu la kuurithi uzima wa milele, kama Yesu alivyosema katika Yn 6:48: Mimi ndimi chakula cha uzima. Ni vema kushiriki, kwani tushirikipo twaonyesha ushirika wetu na Kristo, na kuwa tayari kuokolewa naye kwa njia ya msalaba. Twapokea mwili na damu ya Kristo kwa ajili ya msamaha wa dhami zetu. Twasoma katika Mt 26:26-28 kwamba Yesu alitwaa mkate, akabariki, akaumega, akawapa wanafunzi wake, akasema, Twaeni, mle; huu ndio mwili wangu Akakitwaa kikombe, akashukuru, akawapa, akisema, Nyweni nyote katika hiki; kwa maana hii ndiyo damu yangu ya agano, imwagikayo kwa ajili ya wengi kwa ondoleo la dhambi. Lakini ni vema kujihoji kwanza ili kushiriki kwetu kuwe baraka na si laana, maana tushirikipo twatangaza mauti yake msalabani.