Kugeuka kutoka kwenye mambo ya hisiaMfano

Ngoja nikukumbushe ukweli muhimu kuhusu hisia: hazina akili. 

Hazifikirii. Zinaitikia tuu. Hisia lazima ziazime mawazo ili kuamsha kujisikia. Kwa hiyo, yeyote au chochote kinachoongoza mawazo yako, huongoza unavyojisikia. Hisia zako zinajengwa na kutawaliwa na unavyofikiri kuhusu mambo fulani katika maisha yako. Kwa hiyo, kama unataka kuthibiti hisia zako na kushinda ngome ya hisia katika maisha yako, unahitaji kuthibiti kufikiri kwako.

Unapopangilia mawazo yako na kweli ya Mungu, utawekwa huru.

Hebu jiangalie kwenye kioo. Mtu huyo unayemuona alisulubiwa pamoja, alizikwa pamoja, na kufufuka pamoja na Kristo. Machoni pa Mungu, wakati Yesu alipokufa zaidi ya miaka elfu mbili iliyopita, na wewe pia. Alipozikwa, ulilala kaburini pamoja naye. Alipofufuka, ulifufuka pia. Hata kama unaweza kuwa umempokea Kristo siku chache zilizopita, Mungu alichukua kilichotokea kwa Yesu miaka mingi iliyopita na kukifanya sehemu ya ukweli wako wa kiroho.

Shetani ni bwana wa kupanda mawazo katika akili yako na kukufanya ufikirie ni ya kwako. Yawezekana unamsikia akisema kitu kama, " siwezi kushinda kudharaulika na mtego wa kulinganishwa. Siwezi kuwa huru kutoka katika kifungo hiki cha hisia. Ziwezi kuzipinga tabia hizi za zamani za kuangukia kwenye sonona." Anaweza kukwambia mambo hayo, au unaweza kujiambia mwenyewe, lakini ili uyashinde, lazima uache kuamini uongo. Mawazo yote hayo yangeweza kuwa kweli wakati utu wako wa kale ulikuwa hai, lakini utu huo ulikufa msalabani pamoja na Kristo. Wewe ni kiumbe kipya kabisa (2 Wakorintho 5:17).

Ni uongo gani unaouamini kuhusu wewe?