Soma Biblia Kila Siku 03/2020Mfano

Petro, Yohana na Yakobo walipata upendeleo wa kuwa na Bwana wao alipokuwa anashindana na nguvu za kifo katika maombi. Aliwahimiza mara mbili waombe, lakini walilala. Katika jambo hili, Yesu alisisitiza umuhimu wa kukesha ili kutoingia majaribuni. Twahitaji kuongozwa na somo hili, kwani tumesongwa kila upande na mambo tusiyoyamudu sisi wenyewe. Jambo kubwa kuliko yote ni Ibilisi angurumaye akitafuta mtu ammeze. Hatuwezi kumshinda msaliti wetu, wala hatuna nguvu ya kustahimili majaribu bila kuwa waombaji.