Soma Biblia Kila Siku 03/2020Mfano

Bwana akampa Daudi kushinda kila alikokwenda (m.6 na 14). Mara mbili jambo hili limesisitizwa. Kila mara Daudi alijiona kwamba hawezi mwenyewekwa nguvuyakekushinda katika vita, bali alimkimbilia Bwana katika sala. Wakati wa kufanyika vita hizi, ambazo tunasoma habari zake leo, Daudi alitunga wimbo (tunao katika Biblia kama Zab 60. Kama ukiusoma, angalia zaidi m.1-5 na 9-12). Na kila baada ya kushinda vita hakukawia kumpa Bwana utukufu wote. Basi Daudi akajipatia jina (m.13). Ni kwa sababu alitafuta kwa moyo wote kuliinua juu jina la Bwana, akiweka wakfu vitu vile alivyoletewa na watu kama zawadi (m.10-11)!