Soma Biblia Kila Siku 10Mfano

Bwana ni nguvu ya watu wake, maana kwao ni mwamba(m.1), ngao(m.7) na ngome ya wokovu(m.8), yaani mahali pa kukimbilia ili wasife. Hili ni hitimisho la Mwimba Zaburi juu ya msaada wa Mungu kwa wanaomtumainia. Yeye mwenyewe alipomwita Mungu na kuomba msaada wake, alisikilizwa: Ameisikia sauti ya dua yangu(m.6). Mungu huwapatiliza waovu sawasawa na uovu wao, naye atawavunja wala hatawajenga(m.5). Lakini Mungu hawanyamalii wamwitao, wala hawajumlishi wamtumainiao pamoja na wasio haki. Je, wewe unatumania na kutegemea nini katika maisha yako? Tafakari m.7, na fanya kama Mwimba Zaburi: Mtumainie Mungu! Bwana ni nguvu zangu na ngao yangu. Moyo wangu umemtumaini, nami nimesaidiwa; basi, moyo wangu unashangilia, na kwa wimbo wangu nitamshukuru.