Ishi Maisha -Yaliyojaa Kusudi!Mfano

“Tumikia   Wengine”

Maana ya   kutumika ni kule kupatikana katika kufikia hitaji la mtu fulani. Kufikia huko   kunaweza kuhitaji muda wetu, kipawa chetu, rasilimali na juhudi zetu; lakini   kutumika katika upendo kwa Mungu na kwa wengine yaweza kuwa moja ya uzoefu wa   maisha wenye furaha kuu na unaoleta ijara. 

Kuitikia   mahitaji ya wengine kunaweza kuja katika njia nyingi na mkazo unaweza kuwa   kwa Wakristo na wasioamini kwa pamoja. Siku zote kuna fursa ya kutumika   katika kanisa la mahali kwa mtu mmoja au kama sehemu ya timu. Una kitu   fulani cha ajabu cha kutoa! 

Pia kuna   fursa zinazojitokeza katika mtu mmoja mmoja unapokutana na watu, au kuhusika   na hitaji la mtu fulani, na kuitikia kwa msaada unaotakiwa bila kuombwa.  

Mwitikio wo wote unaotoa, iwe ni muda, rasilimali,   kipawa, au neno la kutia moyo, ni tendo la kutumika. Lakini pia Mungu   anafahamu kwamba uwezo wetu una kikomo katika yale tunayoweza kusaidia, kwa   hiyo anatarajia kwamba tutaonyesha kuwajibika na uwakili mwema tunapohusika   na jambo. 

Shauku ya Mungu ni sisi kujitoa kwa furaha. Wakati mwingine ni vigumu kwa baadhi yetu   kusema hapana, ukweli ni kwamba kujitoa kupita uwezo kunaweza kuondoa   changamko na furaha ambayo Mungu hutaka tuwe nayo tunapotumika.