Ishi Maisha -Yaliyojaa Kusudi!Mfano

“Kukuza   Upendo Wetu kwa Mungu”

Kukuza  upendo kwa Mungu inawezekana ikawa ni vigumu   zaidi kuliko kuongeza upendo na rafiki au mwanafamilia.  Moja ya sababu za msingi ni kwamba hatuwezi   kumuona uso kwa uso Mungu. Kwa hiyo inahitaji imani kudumu na kuongeza upendo   kwa Mungu. 

Imani   inatuwezesha kuwa na upendo wa kweli kutoka mioyoni mwetu kwenda moja kwa   moja kwa Mungu, hata kama hatumuoni na macho yetu ya nyama. Ili kukuza upendo   wetu kwa Mungu, imani lazima iwe hai katika maisha yetu ya Kikristo. 

Tunaposoma   Neno la Mungu, kujali upendo Wake na ku-uhusisha katika maisha yetu na   wengine, na kumwabudu kwa maombi, tunaaanza kumjua Mungu zaidi na zaidi.   Kumjua zaidi baada ya muda inajenga upendo usio na unafiki unaokua kwake Yeye   katika maisha yetu. 

Kukuza   upendo huo kwa Mungu kutoka katika imani yetu pia inategemea na kuonyesha   upendo huo kwa matendo. Upendo wetu kwa Mungu kupitia imani, ukiambatana na   kujitoa kwetu kwa Mungu kupitia matendo yetu ndio ufunguo unaohitajika kwa   mawasiliano yanayokua na yenye mafanikio na Yeye. 

Wakati   upendo wetu kwa Mungu unapokuwa na uhakika wa kukua kutokana na kuweka imani   yetu katika matendo, ni muhimu pia kufahamu kuwa hayo matendo yetu sio kwamba   ndio sababu ya sisi kupata upendo na kibali cha Mungu. 

Ukweli ni   kwamba Mungu tayari alitupenda sisi sana na bila sababu yo yote hata kabla   hatujamjua Yeye. Upendo wa Mungu ndio kiini cha upendo wetu: upendo wetu   kwake na kwa wengine.