Kwa nini Pasaka?Mfano

Kwa nini alikuja, na kwa nini alikufa?

Yesu ni mwanadamu pekee aliyewahi kuchagua kuzaliwa, na ni Mmoja kati ya wachache waliochagua kufa. Alisema kwamba, sababu kubwa ya kuja ni kufa kwa ajili yetu. Alikuja kutoa uhai wake kuwa fidia ya watu wengi’ (Marko 10:45).

Yesu alisema alikufa 'kwa ajili' yetu. Neno 'kwa ajili' linamaanisha 'badala ya'. Alifanya hivyo kwa sababu alitupenda na hakutaka tulipe deni kwa ajili ya mambo yote tuliyokosa. Pale msalabani, alikua akisema, 'Nitavichukua hivyo vyote'. Alifanya kwa ajili yako, na alifanya kwa ajili yangu. Kama wewe au mimi tungekuwa ni watu pekee duniani, bado angefanya hivyo kwa ajili yetu. Mt Paul aliandika 'Mwana wa Mungu aliyenipenda hata akayatoa maisha yake kwa ajili yangu' (Wagalatia 2:20). Ni kutokana na Upendo wake kwetu ndo maana akatoa maisha yake yawe fidia.

Neno ‘fidia’ linatokea katika soko la watumwa. Mtu mwema anaweza kumnunua mtumwa na kumwacha huru—ila kwanza lazima alipe fidia. Yesu alilipa, kwa damu yake pale msalabani, alilipa fidia ili tuwekwe huru.