Matthew 6
6
1Yākaula kās kīsa ūsā ḵīs ēgālazī ūs doqitl tsa baqānum: gil ma ā kūs hē qēlī, lā klis kīyōs qēnum‐kl lāḵīs Umpa ūs yiḵā hē lī da īkē awīnāqīs.
2Gil ma ā kūs yāqā qālā poh‐bī ḵā hīgāla hī qīx ī da klīk‐klaqis qīgīlas as lāḵā kāpī‐kawāzī gla wa klāsanau‐yī, kās yhīlā sa wī sa baqānum: lin aul nik yūtl, la um hatlāka‐qā.
3Gil uma yāqā ḵā wīwū‐sīlākā, qālā hītl‐kāla ḵīs kumḵūtlzana yūs kauklilāḵ qigīlas a sīs hītl‐kyūtl‐zana yūs:
4Kā qalā‐klātlī sīs yāqā mūs, lā klīs Umpa ūs ḵā qalā klatlē doqila, ēk hatlākā klūtl.
5¶ Gil mī sis hawāḵ‐ula, kīs klis hī qīx klī da klīk‐klaqis, kāk dāḵwuḵs ēk‐ā‐kya āḵ glāḵwātla lāḵ hawāḵ‐ula laḵā hawāḵ‐ulazī gla wī da klasanau‐yī kās doqitlīs baqānum: lin aul nīk yūtl la um hatlāka‐qā.
6Wa yiḵ sau īḵ hawāḵ‐ulas, la‐īkl lā lāḵīs gaīlas ūs, gil mī sis klāḵw‐stūt ḵīs kimyūlum ūs, hawāḵ‐ulāla lāḵīs Umpa ūs, yiḵā qalā klatlē; wa lā klīs Umpa ūs yikā qalā klatlē doqila, ēk hatlākā klūtl.
7Gil mī sis hawāḵ‐ulā, qālā autlītālā lāḵ, hī qīx ī da kīs mātl‐tēlāḵ God: kāḵs wūtl dāḵw mā ī nīk wudglitl um kluḵs kayūdik dāḵwā ī.
8Qāk dāḵw lā he qīx ī: kā īs Umpa ūs āḵs kauklilā ma ā ḵīs uḵīḵsda sa wā ūs āḵs, kīs ma īḵ uḵ‐kya gātl kī.
9Gā klis lāgā kās hawāḵ‐ula ūs: KUNTS UMPA, lāḵā īkē māyā‐untla yhīs glīkum ūs.
10Kī‐nāqilā lā yhī da tlāwhila nū kūs, nānā‐kīgī sū lā yhīs naukā yūs lāḵ gā banīk awīnāqīs, hī qīx ī nānā‐kīgā yātlā īnāyākī lāḵā īkē awīnāqīs.
11Zawlā gāḵunūh whā ḵwā nālāḵ sunūh hēmāya ḵōḵ nīnālāḵ.
12Qālā āḵīlā ḵunūh yēkīnā‐yāḵ gānūh lēh kīs āḵīlāḵ yēkīnāya sa yāksāmī gāḵunūh;
13Qālā ēkstū‐sunūh lāḵā tlālā‐īkulē sa yāksāmī, au‐um a qāqilā gāḵunūh lāḵā yāksāmī.
14Gil ma ā kūs klalīwīḵ yēkīnā‐yā sa baqānum lūtl, lā klīs īkē ūs Ump ōgwākā‐kl klalīwī‐kl ḵīs yēkīnā yūs.
15Gil mī sis kīs klalīwīḵ yēkīnā‐yā sa baqānum, kīs um‐kl ḵa ā wīsīs Umpa ūs klalīwī‐kl ḵīs yekīnā yūs.
16Etid gil ma ā kūs fast, qālā hī qīxī da klīk‐klaqis āḵs yēkilka‐mātla ī; yiḵs whāsnī ka ā ḵīs kūqā‐kumā‐yī, kās dā‐dōqila māzīḵ baqānum sīs īzīnāyī hamāp: lin aul nīk yūtl la um hatlāka‐qā.
17Wa yik sau īḵ fast, klātīdāḵs yhūms‐īḵ, glū kās zūzaḵwum dā ūs;
18Kās kīs tā āqā ūs hī qīgīlīs qīgīlā sūs lāḵ baqānum, kā hīgāmī sīs Umpa ūs yiḵā qalā klātlē; wa lā klīs Umpa ūs yiḵā qalā klātlē doqilā, ēk hatlākā klūtl.
19¶ Qālā kapē kās uḵ dāḵwūs tlī‐lāwhilē lāḵwā awīnāqīsīḵ, ḵōḵ yhizayā sāḵs glū munkyā kās yāksumh‐īdī, yiḵoḵ gilūglā sāḵ sa gīsgilūklīq:
20Au‐uma kapē kās uḵ dāḵwūs tlī‐lāwhilē lāḵā īkē awīnāqīs, ḵā kīyōsa yhizayhā glū munkyā kā yāksāmā masa, yiḵā kīyōsa qā‐īglā tsa gīs‐gilū‐klīq kās gilūklī.
21Kā uḵ‐āsā sīs tlīlāwhilē ūs, hī um‐kl ḵa ā wīsī lēs naukā‐yūs.
22Hī‐um nāqātla yū sa oqīnā‐yī da kayākus: gil um lāḵ wīs‐ūs kayākus ākūs hītl‐pātl taula lāḵ, magwā um‐kl wīs‐ūs oqīnā‐yā kūs kūtā kluḵ nāqātla.
23Wē‐yhūḵ kīs lāḵ hītl‐pātl taula lāḵūs kayākus ākūs magwā um‐kl wīs‐ūs oqīnā‐yā kūs kūtā kluḵ padikilā: gil um lāḵ wī sī da nāqātla yiḵī da lā gīgākī lūtl padikilā āzīs padikē sa padikilā!
24¶ Kīyōsa ī baqānum hītl‐ā zaula kāgwī da nūqs mālūqī gīkumā‐yā: kā īḵs klīsīlī lāḵā ḵā numūq, kās tlāwhila nūqī sa numūq; wē yhī ulātlā lāḵ lāḵā numūq kās kīsī uḵ‐īḵsda ḵā numūq: kīyosa ā kūs qīh‐īda ās kātlāḵ God, gla wa tlīlā‐whila.
25Lāgītlin nīk yūtl, qālā awīlil kulāḵs baqānum īnāyā kūs, yiḵīs hamē kla ūs, gla wīs nākā sū kla ūs: qālā yhī ḵād kā ūs oqīnā‐yā kūs, ḵīs uḵun dā yū klā ūs: kīsa ī hī awīlī qilē lāḵā hamāyā, gla wa oqīnā‐yī lāḵā qītlqēla?
26Doqātlā las ḵā pīpā‐klūmas, kāḵs kīs dāḵwā ī zimā ḵā zimzā‐īmas, kīs dāḵw um ḵa ā wīs kīklalī‐sa, kīs dāḵw um ḵa ā wīs kapī‐zaula ḵā gūq; humgīla sū mī sīs īkē ūs Umpa: īzau tās āēkyā‐tlā kāwīh dāḵw sa?
27Ungwī lāk dāḵw ūtl klī da egilwā‐tī kulē īdīgin da ḵīs baqānum īnāyī?
28Māzī ḵā īs awīlil‐kulā gītlāḵ qītlqēla? Doda‐qīkulā las ḵā ēk qāḵula qāḵ‐īnāyas, kīsa ī yāwī‐yhā, kīs um ḵa ā wīs mītā:
29Lā tin nīk yūtl, wāh mā otlī Solomon otla lāḵīs qīxdum otla kīs wotl kūḵ‐zawāq hī qīx‐ī.
30Gil mī lāḵī God‐tā kūḵ‐zūdāla ḵwā kītum‐āḵ sa awīnāqīs yiḵwā qāh‐qā‐ī sā ḵwā nālāḵ kās luḵw zū yawī kluḵ tlinsklā lāḵā qinyāzī, kīzau tā klī kē‐kāwī klī kūḵzaula yū kla sī lūtl‐ā? ā yūtl hūlatl‐ts oqizā‐lazī?
31Qālā awīlil‐kulāḵ nīkyā, mā zints hamē kla? gla wunts nākā kla? Wīza wī ḵa unts gāyū klil ās klā kunts kūḵ‐zauyā?
32Kā īḵs yūwī stā ma īḵ lālūklā sū sa kīs mātl‐tēlāḵ God: kā īs īkē ūs Umpāḵs kauklila ma āḵs uḵ‐īḵs da ā kūs nāwhā um ḵīk.
33Gāgālū klā umās glā ḵā īkē awīnāqīs, glū egālazēs God; lā‐kl wīs glī da māmīkyās zawī gin dā yū klūtl.
34Kā īk qālā awīlil kulāḵ tlinsklā: kā tlinsklā qilyā‐kulā mī klā; hītl‐ā umā yhī lāḵā numḵ sā nālā yiḵīs yāksāmī.
Iliyochaguliwa sasa
Matthew 6: Kwak
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical texts first published by the British and Foreign Bible Society 1882-1897. These texts were digitised for the Canadian Bible Society.
