Mistari Maarufu ya Biblia kutoka Mat 6

Shirikisha

A 'matɩlɩ Laagɔ 'la Nyɩbhɛlɩdua* ɩya ɔla 'kʋnylugolulɩɛa ‑bɛɛ ɩya Laagɔ 'ka ɩmɩ ‑naa ‑tɛtɛa 'dɛ ‑gbɛ ɩya ɔ 'ka anyɩ 'nyɩ.

Na, a 'la pleanɩ ‑cɩpa 'la pɔlɛ. ‑Ma, ‑cɩpa cɩ 'ka ɩmɩ 'titi ɩcɩa pɔlɛ ple. Clɩɩ clɩɩ 'la slokplalɩɛ ‑ka ɩla nyɩ.»

'Lɩka wɔlɩa 'wlukua, n cla 'lɛ anyɩ lebhe: A 'la plea ala jabhʋa 'la pɔlɛ, lʋʋa [a cɩ 'ka 'lɛ li, a cɩ ka 'lɛ 'mla] na 'la gbʋ, ‑aana lʋʋa a cɩ 'ka 'lɛ cɩ zʋ na 'la gbʋ. Jabhʋ 'ta lilinyɩ 'kʋzi bha? 'Nyɩ 'nyɛkɛa 'ta lokwi 'kʋzi bha?

‑Ma ‑mɔ, gbazɩ ‑n ‑ka ‑wa le ‑n ka bhibhie na, ble ‑naa pʋdaa, kpaslɩlɩ ‑naa gbinea ɩya ‑n bhibhie ‑n Toa ‑ɔ ‑kʋ 'lɛ 'dɛ 'nyɩ ‑ɔ ‑jlɛ 'lɛ ziziekotea nɩkplaan na ɩya ɔ 'ka ‑naa dluuplʋlɩɛa 'nyɩ.

Na, anyɩ, a bhibhie ‑sa: ‑A Toa ‑ɔ ‑kʋ 'lɛ ‑laagɔɔn na, 'naa ‑naa 'ŋlɩa ɩ ‑kplɔ, 'naa ‑naa ‑kwleliea ɩ ci, 'naa ‑naa pɔɔsa ‑nʋɔ ‑dʋdʋa 'kʋ le ‑laagɔɔn.

'Maa 'nyɩ ‑anyɩ ‑yaka 'la clɩɩa 'la 'flawoa.

'Maa va ‑anyɩ ‑ala ‑ngasi le saa ‑anyɩ ‑ma a va 'lɛ maa ‑ɔ tʋ 'lɛ -ala ‑ngasi na.

Ɩya ‑naa 'talɩa ‑anyɩ 'ciin ‑a 'la bhlilia gbɩɩnclalɩɛɛn, ‑ma 'maa ‑sa ‑anyɩ gbɩɩnclanyɔa wlɩɩn. [Sa ‑kwlelie, 'tɛtɩ ɩya 'klʋagba ‑glɩ ‑nanɩ 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.]

‑Masa, ɩ ‑ka ‑kʋ le a ‑ka ncɛlɩ 'la ‑ngasi va na, a Toa ‑ɔ ‑kʋ 'lɛ ‑laagɔɔn na, ɔmɔ ‑ma, ɔ cɩ 'ka anyɩ va.

A kopeka, ‑laagɔɔn 'la libhlia: 'Ɩ golo 'ta naa, 'ɩ 'dɩ 'ta 'nyɩ ɩ 'ta ‑gbogbu ‑ka. ‑Ma a Toa ‑ɔ ‑kʋ 'lɛ ‑laagɔɔn na, ɔ nyɩɩ nyɩ. Na anyɩ, a 'ta gbʋ kalɩ a 'tɩɩ 'kʋzi bha?

A 'la 'wlalɩa 'bhɛlɩ 'wlu ‑wɔlʋ ‑dʋdʋa 'kʋa ŋlɔ ɩya nɔ nyumo 'lɛ lɩa ‑tɛtɛa 'nyɩ 'winya wla 'lɛ gbini 'nyɩ ma ghli 'lɛ na. ‑Ma a 'wlalɩ 'bhɛlɩ ‑laagɔɔn 'wlu, gbazɩa ŋlɔ ɩya nɔ nyumo 'ta 'lɛ lʋʋ 'nyɩ 'winya wla 'ta 'lɛ gbini ɩya ma 'ka ghli na. Sa, daa ‑naa 'bhaklɔa ‑kʋ 'lɛ na, dɩpɩa ‑naa pɔlɛa ‑kʋ 'lɛ.

Nclɔɔ cɩ 'ta tocɩ ‑mɔsɔ lobholɩɛ mino: Ɔ cɩ 'ka bhlo zɔbhɛlɩ ɩya ɔ 'ka ‑danaanɔa wabha, ‑aana ɔ cɩ 'ka bhlo cɩ mɛ ɩya ɔ 'la ka ‑danaanɔa bu. 'A cɩ 'ta mino a 'ka Laagɔ ɩya 'dala lobho.

'Kwlaan 'la ‑pitia, ‑ɩ ‑kʋ 'lɛ 'dɛ ‑yaka, 'nyɩ -ɩ ‑cɩ ka 'lɛ ‑cɩpa ‑dɩɔ ɩya ‑ɩ 'ka ‑sieo na, Laagɔ ‑kɩɩ ‑sa bibie na, anyɩ 'ɔ cɩ 'ta 'lɛ bhɔsʋalɩɛ mino ɩya ɔ 'kɩɩ 'lɛ 'kʋzi bha? Anyɩ ‑ma sɛɛnɩ, 'nda ala pɔɔtɛtɛa ‑kʋa 'lɛ bha?

‑Ma ‑mɔ, gbazɩ ‑n ‑ka ŋaazɩnyɔ lʋʋ va na, ‑naa 'daba sɔa 'la cibhlilia ɩmɩa ‑naa 'lipasɔ sɔa nʋ 'lɛ na, ɩya ‑naa klalɩlɩɛa 'ka ziziekoteen 'plɩlɩ ɩya ‑n Toa, ‑ɔ ‑jlɛ 'lɛ ziziekotea nɩkplaan na, 'ka ‑naa dluuplʋlɩɛa 'nyɩ.

«A ‑ka ɩmɩa Laagɔ 'clalɩ 'lɛ anyɩ na, nʋda ‑kʋ na, a zʋlʋ pɔlɛ 'kʋ ɩya a 'la nʋnʋɩ ncaacikʋ le ma 'ka anyɩ 'cikʋzʋlʋ. A ka sɛɛ nʋ na, 'a cɩ 'ta a Toa ‑ɔ ‑kʋ 'lɛ ‑laagɔɔn na, dluuplʋlɩɛ wlɩɩn 'lɩlɩ.

Gbazɩ a ‑ka ‑zelizloda ‑kʋ na, 'klʋ 'la 'kua anyɩ, le yooyo ncɛlɩa 'klʋ ku 'lɛ le ma 'ka sɛ ncɛlɩ pala lebhe ma zlozeli na. N solu anyɩ, ɩ ‑glɩ ‑nʋawlɛ: Ma ya mala dluuplʋlɩɛa 'lɩ. ‑Ma ‑mɔ, ‑n ‑ka ‑zelizloda ‑kʋ na, wɔlʋ 'klʋ, zʋ ‑asʋnbanyɩ ɩya ncɛlɩ 'la ka sɛ cibhlili le ‑n zlo ‑zeli, ‑ma ‑n Toa ‑ɔ ‑kʋ 'lɛ 'dɛ ziziekotea nɩkplaan na ‑tɛɛ. Ɩya ‑n Toa ‑ɔ ‑jlɛ 'lɛ ziziekotea nɩkplaan na, 'kɔɔ ɩla dluuplʋlɩɛa 'nyɩ.