Mistari Maarufu ya Biblia kutoka Matyu 6

Shirikisha

Ɓurti andi ti bya', far hun kaitat hu mute manderei ames, shak ɗamam mii si wa fasu hwak.

Ka hu tirim ti wasan kwa, ɓurti wasan ti yes ti tirim i haisut. Mwen andek ti ti tirim i haisut.

“Ɓurti andi i ma laksu, ka hu tirim si mupwet amu hai kwa, nyai, ami hu wa cwai, hu ami hu wa woi, hu mangga' i lo' amu, nyai ami hu wa ti voti lo' amu ya. Mupwet ti ɓin cwa kwa haa? Lo' ɓin arom kwa haa?

Myan ima hun fwal ti DeeƁwe, lang hun ta ɗom hu vo fo i mahomi ya, hu fwal Deemu ima si ɗyangus kwa. Unai Deemu ima ɗyang aɗeng ima si masi ta mufot wi, ma wa talsu myatat.

“Ɓurti andi, ngga' ima hu wa fwal ti DeeƁwe ta mai, “ ‘Deeminin i kyel ta fit, ɓa asum asa ti te ti sapa. Kaitat asa ti yes, aɗeng ima ha ɓweti ni masus na naya, fota ngga' ima si masus ta fit.

Faha nin cwa aminin i kwai.

Shu ha nin mafwashani aminin ya, fota ngga' ima ni shwayan ti som ima si mas nin mafwashani ya ta.

Ka ha kol nin ta kyel i amba kwa, buma nin ta kyel i Madang.’

“Ɓurti na hu shu ɗufal mafwashani ames ya, Deemu i kyel ta fit ma wa shwaisu amu ya.

Ɗing hun avyash. Si lai kwa, si karat karat kwa, si suɓwat cwa ta hotat kwa. Shak ta andi, Deemu i kyel fit ma fayansus cwa i cwai ames. Hun hu ɓinus mbaitat kwa haa?

“Ka hu suɓut haisu sufat na naya kwa, kyel ima ɗam i lok, hu yoor si wa rafati ya, kyel ima asher si wa ɓaki ya si shir ya hwak. Suɓut hun haisu sufat ta fit, kyel ima ɗam i lok, hu yoor si wa wis ti rafati ya kwa, kyel ima asher si wa wis ti ɓaki si shir ya kwa. Kyel ima sufat ama mata, a kyeli mulut asa tita.

“Maɗufal ndok u fa kaya apil ngye kwa. A kpang u nggwes ti andek, u ɓwet mandeki, ahun u fa hai wa kyel i andek, u mas gbya' ti mandeki. Ha wa fati cef ngye, ha fa DeeƁwe ngye myan andek kwa.

A awei, DeeƁwe sok falan arom, ima si mana kwai, wasan si hwitus ta man wi. Ma wa hon su hun kaciwa' shwaisu arom haa? Hun som fati mulut ndyong!

Myan ima ha wa fati mal wa kyel i som jyel, ka ha hon ra i ukutyal ama u shang aɗeng ima ra i ucwa ama ma masi kwa, ɓa mali u te ta mufot wi. Unai Dya ima ma ɗyangan ti ɗamam ima si masi i mufot, ma wa fasa mal.

“Kam hun, kan ro ti mute manderei asu ta wei i ɗufal, tyos ima ɓa si ɗingi kyek kwa. Na te andi, Deembai amu i kyel fit ma wa fasu mal kwa.

“Myan ima hun ka'ti fo ya tasi cwa, ka hu rimya' shishat ya fota ngga' ima som gbaf si masi ta kwa. Si masi ɓa si kof ɗufal nyai si ka'ti fo ya tasi cwa. I laksu mwawei, si mat mal ames shak ndai. Myan ima hun ka'ti fo ya tasi cwa, sa hun shishat amu ya, hu fyal mbar ta hai, ɓurti ka ɗufal si shangi hu ka' fo ya tasi cwa kwa, a Deemu je ima si ɗyangus kwa. Deemu ima ɗyang aɗeng ima si masi ta mufot wi, ma wa talsu myatat.