Mistari Maarufu ya Biblia kutoka Yohane 10

Shirikisha

Owifo mma, gye sɛ ɔrebewia, na wakum, na wasɛe; na me de, mebae, na wɔanya nkwa, na wɔanya no mmoroso.

Mene guanhwɛfo pa no. Oguanhwɛfo pa de ne kra to hɔ ma nguan no

Me nguan tie me nne, na me nso minim wɔn, na wodi m’akyi

na mema wɔn daa nkwa, na wɔrenyera, na obi renhuam wɔn mfi me nsam da.

Mene ɔpon no; sɛ obi fa me so kɔ mu a, wobegye no nkwa, na ɔbɛkɔ mu, na obefi adi, na obenya adidibea.

Mene guanhwɛfo pa no; na minim me de, na me de nso nim me

M’agya a ɔde wɔn maa me no so sen nneɛma nyinaa; na obi rentumi nhuam wɔn m’agya nsam. Me ne agya no yɛ baako.

sɛnea Agya no nim me, na me nso minim Agya no. Na mede me kra meto hɔ mema nguan no.

Obi nnye me nsam, na m’ankasa na mede meto hɔ; mewɔ ho kwan sɛ mede meto hɔ, na mewɔ ho kwan sɛ mefa bio; ahyɛde yi na minyae m’Agya nkyɛn.

Ɛnna Yesu see wɔn bio sɛ: Mereka akyerɛ mo nokware mu pa ara sɛ: Mene nguan no pon no.

na ɔpaani a ɔnyɛ oguanhwɛfo na nguan no nyɛ ne dea no hu pataku sɛ ɔreba a, ogyaw nguan no guan; na pataku no bɛkyere wɔn bɔ wɔn hwete.

Mereka akyerɛ mo nokware mu pa ara sɛ, nea ɔmfa ɔpon ano nkɔ nguannan mu, na ɔforo fa baabi no, yɛ owifo ne odwowtwafo