Mistari Maarufu ya Biblia kutoka Génesis 11

Shirikisha

Muꞌ Ayoꞌ yi: "Uts q̂uinꞌ muntyiꞌ in tupuj meꞌ carijtaqui in ĉaĉaij na yiriꞌyaꞌ bäꞌyity in judyeyaꞌ yiris mọmoꞌ p̂eyacdyeꞌ muꞌin. Mọꞌdyes jụꞌñis ĉụiꞌ mọmoꞌ dyijyedyeꞌ játŝuti jụijyaꞌ in, meꞌ ramꞌ jämꞌtaqui in, jam raꞌ tyi ñucjeyacsebi dyijyedyeꞌ muꞌin. Damꞌdye jämꞌ chạbajshaꞌ, yoc yoc yụꞌtyeyacsejaꞌ p̂eyacdyeꞌ muntyidyes in, paj qui jam vaj meij chäquibuti p̂eyacdyeꞌ in," yi Jenꞌ.

Yi jítidyeij in: —Jụdyej jämꞌtyejaꞌ yiris bäꞌyedyeꞌ tsun, judyeyaꞌ raꞌ chimeꞌ jiꞌmocheyejaꞌ cäꞌcheꞌ cạjaꞌ acaꞌ, junꞌ quiꞌ chuc venjoiꞌ mạyedyeꞌcheꞌ paj qui meꞌquiꞌcheꞌ judyeyaꞌ paj qui jam yaquintusinꞌ muntyiꞌ in, paj qui jam paiꞌjojaꞌ úcheꞌ jaccheꞌ tsun —jítidyeij in.

Muꞌyaꞌdye muꞌ Ayoꞌ yoc yoc yụꞌtyeyacsi p̂eyacdyeꞌ räj jacchety muntyiꞌ in, muꞌdye jiꞌpaiꞌcacsi muntyiꞌ in, räj buꞌyi vatyquej jaccheꞌ in. Mọꞌdyes mọꞌ bäꞌyedyeꞌ Babel tịj mọꞌ.

Tashcheꞌ jiquej yiris mọmoꞌ p̂eyacdyeꞌ muntyis muꞌin, itŝiꞌ damꞌdye yocsiꞌ jiquej.

Muꞌ qui Ayoꞌ chạij cạveteꞌ bäꞌyedyeꞌ judyeyaꞌ mọꞌ cäꞌchacsiꞌ acaꞌ jämꞌtyes muꞌin muntyiꞌ in.

Anicdye meꞌ Ayoꞌ yi meꞌdye muꞌin paiꞌ buꞌban qui úcheꞌ jaccheꞌ in, aty qui jam yiriꞌyaꞌ bäꞌyi in. Judyeꞌdye ijaij in mọꞌ bäꞌyedyeꞌ, yacchuqui in.