Mistari Maarufu ya Biblia kutoka KAJADIAN 11

Shirikisha

Lantas Ia notataemo, “Aha aiya sa'angu' na bansa ka' sa'angu' na basa', ka' aiya sala'je tampu'unan nyo na tanga'an nu aha. Madi'mo pin aha moko alamo mombau maumo pa' apaa na nukahanda'i nu aha. Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

Kalana aijo', kota aijo' sinanggohanmo Babel, kalana ikiijo' Tumpu nompotabuntala'mo basa' nu aha iwi-iwi' na basa', ka' lengkat ikiijo' aha gina'a-ga'atakonmo nu Tumpu nobagi-bagimo namba i songko-songko na dunia.

Momonanyo to bansa-bansa songko-songko i dunia aiya ola sa'angu' na basa' ka' basa' nu aha pokakana.

Sahingga nintau'mo mae na Tumpu nontoa kota ka' menara anu pinotinjomo nu manusia.

Sumo aijo' na Tumpu nongga'a-ga'atakon aha namba i songko-songko na dunia. Lantas aha madi'mo nompotinjo kota aijo'.