Mistari Maarufu ya Biblia kutoka SISIKON NU TO RASUL-RASUL 17

Shirikisha

Tumpu nombau aijo' da aha molio Ia. Opai-pai lio da aha singkabot tiba Ia tempo'nyo aha molio Ia. Panyo sabenannyo Tumpu Allah madi' majo'on lengkat hi kita toto samian.

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

Tumpu anu nompotimbali dunia aiya tiba isinyo iwi-iwi', aijo'mo na tumpu nu langit ka' tano'. Ia madi' jojoong i uno nu to lai-laigan nu pilogot anu nubau nu mian.

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.