Mistari Maarufu ya Biblia kutoka Mataayi 6

Shirikisha

Looli mʉlondaghe taasi ʉVʉtwa vwa Ngʉlʉve na kuvomba sino ikeela ʉmwene, neke ifio fyoni ɨkʉvongelesia.

“Lɨno, namʉngasaghaghe vwɨmɨla ifya pakɨlaavo, ʉlwakʉva ifya pakɨlaavo pwefili vwɨmɨla ɨkɨghono ɨkio. Kɨla kɨghono kɨlɨ na mahangajɨko ghaake.

“Lɨno nɨkʉvavʉʉla niiti, mʉlekaghe kuhangajɨka vwɨmɨla ʉvwʉmi vwinu kuuti kyande mulia kɨki, munyua kɨki, nambe mufwala kɨki. Asi, ʉvwʉmi navwe vʉvaha kukila ɨkyakʉlia? Naghʉ mʼbɨlɨ naghwe mʼbaha kukila amenda?

Looli ʉve pano ghukufuunya kwa Ngʉlʉve, ghwingilaghe kʉkate na kudinda ʉmʉlyango. Pe ghufunyaghe kwa Nhaata ghwako jʉno naivoneka na maaso. ɄNhaata ghwako jʉno ilola sino sivombeka kʉ vʉsyefu, ilikʉkʉhomba.

Ʉmue pano mukufuunya kwa Ngʉlʉve, mʉtisaghe, ‘Ghwe Nhaata ʉve ʉlɨ kʉkyanya, ɨlɨtavua lyako lyɨmɨkwaghe. ɄVʉtwa vwako vwisaghe. Sino ʉkeliile sivombekaghe pa ɨɨsi apa, ndavʉle sivombeka kʉkyanya ʉkuo.

Ʉtʉpelaghe ʉmʉsyʉghʉ ifyakʉlia fiitu.

Ʉtʉpyanɨlaghe ʉvʉhosi vwitu, ndavʉle na jʉsue vʉle tʉkʉvapyanɨla vano vikʉtʉhoka.

Nʉngatʉlekaghe kuuva mʉ ngelo, looli ʉtʉpokaghe kwa Mhosi jʉla. Ʉlwakʉva ʉVʉtwa vwako, ingʉfu saako nʉ vʉvaha vwako vʉlɨ fighono fyoni! Ameni!’

“Ʉlwakʉva nave mʉkʉvapyanɨla avange vano vavahokile, ghwope ʉNhaata ghwinu jʉno alɨ kʉkyanya, ɨkʉvapyanɨla ʉvʉhosi vwinu.

Mʉlolaghe injuni! Nasivyala, nasipeta nambe kuvuta mʉ kɨhenge, neke ʉNhaata ghwinu ʉghwa kʉkyanya, ɨkʉsiswɨla. Asi, ʉmue namʉnoghiile kukila injuni isio?

“Namʉngavutaghe ifiinu mʉ ɨɨsi ɨjɨ, muno ʉmhehe nɨ ngʼhusa finangania, kange voope avahɨɨji vimatʉla na kuhɨɨja. Looli mʉvʉtaghe ifiinu kʉkyanya kʉno ʉmhehe nɨ ngʼhusa nafinangania, kange avahɨɨji navimatʉla nambe kuhɨɨja. Ʉlwakʉva pano ʉvutile ifiinu fyako, pepano naghʉ mwojo ghwako ghuuva bahapuo.

“Nakwale ʉmuunhu jʉno iiva mʼbanda ghwa vatwa vavɨlɨ. Ʉlwakʉva pano ɨkʉmʉghana na kʉkʉmʼbombela vʉnofu ʉntwa ʉjʉ, pepano ɨkʉnkalalɨla na kʉkʉmʼbeda ʉntwa ʉjʉnge. Ɨkyʉma kɨngakʉteme nʉngamʼbombele ʉNgʉlʉve!

Nave ʉNgʉlʉve ɨkʉghafwasia enendɨɨkɨ amamela agha mʉ lɨhaka ghano ghinofia ʉnsiki nʼdebe vʉvʉle, neke nakalɨngi ghijoghotoka na kutaghua pa mwoto, lɨno nakyaɨkʉvafwasia ʉmue na kukila, ʉmue mwe vanya lwɨtɨko lʉdebe?

Neke ʉve pano ʉkʉvatanga avakotofu, ʉvatangaghe kɨsyefu kuuti nambe ʉmmanyaani ghwako alekaghe pikagʉla. Ʉlʉtango lwako lʉvombekaghe kɨsyefu, ʉlwakʉva ʉNhaata ghwako jʉno ilola sino sili kʉ vʉsyefu, ilikʉkʉhomba.

“Mʉlolaghe! Namʉngavombaghe inofu pamaaso gha vaanhu kuuti vavaghinie. Ʉlwakʉva mʉngavombe ʉluo, namʉngʉpɨle ʉlʉvonolo kuhʉma kwa Nhaata ghwinu ʉghwa kʉkyanya.

“Pano muvʉhɨɨla kulia mʉlwa kufuunya, mʉlekaghe kusukunala ndavʉle vivomba avakedʉsi, ʉlwakʉva aveene visukunala kuvonia avaanhu kuuti vavʉhɨlile kulia mʉlwa kufuunya. Kyangʼhaani nɨkʉvavʉʉla, avuo vamalile pikwʉpɨla ʉlʉhombo lwave. Looli ʉve nave ʉvʉhɨlile kulia mʉlwa kufuunya, ghwoghaghe kʉ maaso na kupakala amafuta, kuuti ʉleke kuvoneka kʉ vaanhu, looli kwa Nhaata ghwako mwene jʉno naivoneka na maaso. Ghwope ʉNhaata jʉno ɨkʉsaagha sino sili kʉ vʉsyefu, ilikʉkʉhomba.