Mistari Maarufu ya Biblia kutoka Lu̍kū 7

Shirikisha

Le̍la̍ŋ, mī di̍mu̍l nu̍m, wāna̍ yɔ̄ŋ wɔ̄ɔ̍ŋndo̍ pi̍la̍ o̍ cho̍ ni̍. Kɛ̍, kāālā bɛ̄ndū o̍ ka̍a̍la̍ wo̍ chɔ᷄m māā Mɛ̄lɛ̄ka̍ ma᷄l ndu̍ le̍ la̍ŋ kpo̍u̍. Wāna̍ Mɛ̄lɛ̄ka̍ ma᷄l le̍ yɔ̄ŋ wɔ̄ɔ̍ŋ pɔ̄mbɔ̄ɔ̍ wo̍, ndu̍ chɔ᷅m ka̍a̍lāa̍ nyɛ̄ pɔ̄mbɔ̄ ni̍.” Mbo̍ dīmūl chūa̍a̍ āā, “I̍ ma̍l nu̍m le̍ yɔ̄ŋndā nūmnda̍ wɔ̍ɔ̍ŋnda̍ŋ.”

Mi̍ Chi̍i̍sū di̍mūl chūa̍a̍ āā, “Mɛ̄lɛ̄ka̍ pīŋi̍ nu̍m le̍ mɛ̄ɛ̍ ŋ̄ lāāla̍ŋ yɛ̍. Kɔ̍nu̍ŋ a̍ kɔ̄l kɛ̍ndɛ̄.”

Mi̍ chūa̍a̍ ho̍ō hu᷄ŋ ba᷅ŋ wūla̍ŋ Chi̍i̍sū o̍ lābɛ̄ŋgu̍ ni̍ŋ a̍ cha᷄ŋndo̍. Mɛ̍mɛ̍ma̍ wa̍ ndu̍ tōlɔ̄ɔ̍ o̍ hɔ̄l la̍ŋ mā wa̍ Chi̍i̍su̍ dēlīo̍o̍ o̍ ŋ̄pēlū. Mbo̍ wā ndu̍ pēlo᷄ŋ wɔ̄ɔ̄sūūwo̍ a̍ yīīŋnde̍ ndu̍ o̍ lēbōl. Mbō sɔ̄sā ndu̍ pēlo᷄ŋ le̍ ndu̍ bɛ̄ɛ̄le̍ŋ kīo̍o̍. Mbo̍ sūū ndu̍ si̍ɛ̍ndīi̍ya̍ŋ ma᷅ŋ o̍ ŋ̄pēlū.

Le̍la̍ŋ bɛ̍ɛ̍ ya̍ pi̍la̍ hi̍ŋ nāa̍ nūm chu̍a̍ le̍ ni̍. Dīmīo̍o̍ bɛ̍ɛ̍ ŋ̄ dīmi̍ ni̍ māā ō sīōŋgu̍, ō nɔ̄lā mbō sēŋgū. Kāni̍, ya̍ su̍a̍ā ho̍ō wo̍ bɛ̍ɛ̍, ŋ̄wāŋ ā chō ma̍ wā ya̍ bōlle̍ŋ. Ndu̍yɛ̍, ya̍ bɛ̍ɛ̍ I̍ nɔ̍ so̍vɛ̄i̍ya̍ o̍ bā bɛ̄ŋgu̍. A̍ cho̍ ka̍ŋ ya̍ o̍ bā bɛ̄ŋgu̍ wa̍ ki̍nɛ̍i̍, ō pīlɛ̍ bɛ̍ɛ̍ I̍ di̍mu̍l pɛ̍ a̍a̍, ‘Kɔ̍ nda̍,’ kɔ̄la̍ŋ o̍ ku̍ā ni̍. I̍ di̍mu̍l pɛ̍ ho̍ō a̍a̍, ‘Hu̍ŋ na̍ŋ,’ hūnɔ̄ɔ̍ o̍ hu᷅ŋ ni̍. Tē I̍ di̍mu̍l pɛ̍ chɛ᷅ nūu̍ a̍a̍, ‘Tōsa̍ nu̍a̍ā,’ ō tōsa̍. Le̍la̍ŋ, dīmīo̍o̍ bɛ̍ɛ̍ ŋ̄ dīmi̍ ni̍ māā chɛ̄ nūu̍ ō sīōŋgu̍, sīōŋgɔ̄ɔ̍ o̍ si̍a̍ŋgū ni̍.” Mɛ̄ɛ̍ wānā bɛ̍ndū so̍vɛ̄i̍ya̍a̍ kɛ̍mīa̍a̍ dīmi̍ dīōmnda̍ŋ nda᷅ŋ, mi̍ kɔ̄ndɔ̄fi̍llo̍ bīī Chi̍i̍sū. Mbo̍ mūli᷄ŋ mbo̍ dīmūl wānāa̍ wa̍ ndu̍ hūnɔ̄ɔ̍ kɔ̄ɔ̄lī wa̍ āā, “Mī di̍mu̍l nya̍, wāŋnda̍ I̍sɔ̄lūɛ̄ī tɛ̍ɛ̄ŋ bɛ̍ɛ̍ I̍ se̍e̍lu̍ŋ ndɔ̍ wāŋndo̍ mbo̍ lāāla̍ŋ o̍ ka̍lā ka̍lā nu̍a̍ā a̍ ya̍ mbō sīīma᷅ŋ māā pōo̍ ho̍ō le̍.”

A̍ bōōndi̍i̍ ke̍ŋ, mi̍ Chi̍i̍sū si̍ŋgī nāālā yɛ̍ yɛ̍la̍ fa̍ŋgā. Mbo̍ tūāū nyi̍nāā wɔ̄ɔ̍ŋnda̍ wānāā fāŋgā fa̍ŋgā kɔ̄ɔ̄lī. Mbo̍ tōsā mi̍ wānāā sūmɛ̍i̍ya̍ ā ka̍ ka̍ cha᷅. Mbo̍ mūlī bu̍ɛ̍i̍yāa̍ Chɔ᷄ŋ nda̍ dīōm āā, “Lā kɔ̍ di̍mūl Chɔ᷄ŋ a̍ nyɛ̄ o̍ nyɛ̄ nya̍ chē mi̍ lā tūɛ̄ī. Wānāā sūmɛ̍i̍ya̍ chō ni᷅ŋ chɔ̄ɔ̍, mi̍ wānāā bɛ̄vɛ̍i̍ya̍ wā kɔ̄la̍ŋ. Wānāā nāā wɔ̄ɔ̍ŋndo̍ wa̍ lēkɔ̄ɔ̍ wa̍ ā sɔ̄la̍ sīōŋgɔ̄ɔ̍ mi̍ wānāā nīlā bāŋu̍lɛ̍i̍ya̍ wā ni᷅ŋ tūēīyɔ̄ɔ̍. Wānāā vīlɛ̍i̍ya̍ chō mīīŋgōo̍ yōōmū. Yōōŋgū kɛ̄ndɛ̍ Mɛ̄lɛ̄ka̍a̍ chō dīmi᷄ŋndo̍ nāa̍ wānāā tāmbɛ̍i̍ya̍ chūā.