Mistari Maarufu ya Biblia kutoka Lu̍kū 8

Shirikisha

Yɛ̄yi̍i̍ de̍l o̍ lɛ̄ŋndē kɛ̄ndɛ̄le̍ŋ chōo̍ ve̍ ī chō māchūāā māā wāŋnda̍ ā pūm. Tē ā tūēī dīo̍m Mɛ̄lɛ̄ka̍a̍ pɛ̍, ā kɛ̄si̍ŋ ndu̍ o̍ lākɔ̄l nyɛ̄ kɛ̄ndɛ̄ kɛ̍ndɛ̍ī. O̍ ko̍ŋ, mā chɔ᷄m tɔ̄nɔ̄ɔ̍ le̍ mɛ̄ɛ̍ nda̍ bīūnu̍ŋ yɛ̍.”

Yɛ̄yi̍i̍ de̍l o̍ fo̍ndāŋ yɔ̄ɔ̍ŋ ŋ̄ wūl lo̍ ve̍, ī chō māchūāā māā wāŋnda̍ ā pūm a̍ tu̍e̍ī dīo̍m Mɛ̄lɛ̄ka̍a̍ wa̍. Kɛ̍ ndu̍yɛ̍, tē ā vīōū pɛ̍ kpɛ̍ɛ̍, būūla᷄ŋ nyɔ̄ɔ̍ŋ, a̍ yēēmɛ̍i̍ sūllo̍, a̍ yēēmɛ̍i̍ nyɛ᷄m nɛ̍ŋī wa̍nā kɔ̍l lo̍ŋ, ŋ̄ lūɛ̄ī nda̍ o̍ lākɔ̄l. O̍ ko̍ŋ, mī ŋ̄ kāya̍ ka̍ya̍ŋ di̍o̍m Mɛ̄lɛ̄ka̍ nda̍ tūēī yo̍ mɛ̄ɛ̍ yɔ̄ɔ̍ŋ ŋ̄ kāyā kāyāŋ tɔ̍lɔ̄ɔ̍ yɛ̍. O̍ ko̍ŋ, mī dīōm kālāa̍ fōōfi̍ nda̍ ni᷄ŋ mɛ̄ɛ̍ tɔ̄lɔ̄ɔ̍ fōōfi̍ nu̍a̍ā yɛ̍.

Yɛ̄yi̍i̍ de̍l o̍ lɛ̄ŋndē ba̍ndi̍la̍le̍ŋ chōo̍ ve̍ ī chō māchūāā māā wāŋnda̍ ā pūm. Tē ā tūēī pɛ̍ Di̍o̍m Mɛ̄lɛ̄ka̍a̍, ā chɛ᷄l ndu̍ a̍ kɔ̄l kɛ̄ndɛ̄. Kɛ̍ mɛ̄ɛ̍ pūūndu᷅ŋ tɔ̄lɔ̄ɔ̍ ŋ̄ nɔ̍lā lu̍ɛ̍i̍yɔ̄ɔ̍ la̍nda̍ŋ o̍ lɛ̄ŋndē ba̍ndi̍la̍le̍ŋ te̍ yɛ̍, le̍nde̍ ko̍ wāŋnda̍ ha̍ā chō ni̍. Dīo̍m Mɛ̄lɛ̄ka̍a̍ ō lu̍e̍ī di̍ nda̍ o̍ lākɔ̄l te̍. Mī wāŋnda̍ ha̍ā lāāla̍ŋ le̍ te̍le̍ŋ ti̍ŋ. Kɛ̍, tē Māsa̍ Nyi̍nāā Wɔ̄ɔ̍ŋnda̍ dɛ̄ɛ̄ni̍a̍a̍ nda̍ pɛ̍ a̍ nyɛ̄ pālāa̍, ā ma᷄l dīōm kālāa̍.

Mbo̍ lō lo̍ŋ mbo̍ nyūnā bu̍ɛ̍i̍yāā ndūa̍a̍ āā vɛ̄ɛ̄, “Lā nɔ̍ lɛ̍ tīīnda᷄ŋ o̍ ya̍ ni̍ŋ te̍?” Mi̍ kɔ̄ndɔ̄fi̍llo̍ bīī nda̍. Ma̍ yɔ̄ŋ sīōōŋnde̍. Ma̍ kāndū nyūūni̍āŋndo̍ āā, “Wāna̍ māāvɛ̄ɛ̍nɛ̍ cho̍ yɛ̄ ho̍ō. Mbō sōō o̍ hūēīye̍ lo̍ a̍ mɛ̄ŋnda̍ŋ bɛ̍ɛ̍, ndu̍yɛ̍, mī mā tōsa̍ nyɛ̄ o̍ di̍mī wo̍.” Mi̍ nyɛ̄ o̍ nyɛ̄ yɔ̄nu᷄ŋ le̍ pi᷅lɛ̍ do̍ŋ bɛ̍ndū.

Yɛ̄i̍ye̍ i̍ de̍l o̍ nɛ̄ī kɔ᷅llo̍ ve̍ ī chō māchūāā wāŋnda̍ ā pūm a̍ tu̍e̍ī Dīo̍m Mɛ̄lɛ̄ka̍a̍ wa̍. Mɛ̄ɛ̍ nda̍ tūēī, mi̍ māsa̍ nyi̍nāā wɔ̄ɔ̍ŋnda̍ hu᷄ŋ po̍o̍ndā ndu̍ nda̍ o̍ lākɔ̄l, yɔ̍ŋi̍ nda̍ lāāla̍ŋ mā pēŋ.

“Nyɛ̄ o̍ nyɛ̍ cho̍ ō vīāŋāā, ō chō hūnɔ̄ɔ̄ chɔ̄mnɔ᷄ŋ kpe̍nde̍ke̍le̍. Ndu̍yɛ̍, nyɛ̄ o̍ nyɛ̍ cho̍ ō kūmbāā, wāŋnda̍ chō ndu̍ sāālɔ᷄ŋ mā sīna̍ a̍ ndu̍ o̍kɔ̄ɔ̄.

Mɛ̄ɛ̍ chūa̍a̍ chē māā ā sīna̍ a̍ ndu̍ o̍kɔ̄ɔ̄, mbo̍ fūlā a̍ nyīīyāa̍. Mbo̍ hu᷄ŋ de᷅l lɛ̄ŋ Chi̍i̍su̍ lāchī. Mbo̍ chɔ̄ɔ̄mūū wāŋnda̍ kpe̍de̍ o̍ hɔ̄l le̍ sa̍bū o̍ pi̍la̍ŋ Chi̍i̍su̍ wo̍. Ndu̍yɛ̍, mbo̍ chɔ̄m a̍ mɛ̄ɛ̍ o̍ se̍ŋgū o̍ lē pīlɛ̍ ni᷄ŋ kpe̍ yɛ̍. Mi̍ Chi̍i̍sū di̍mūl ndu̍ āā, “Chūā nūu̍, tīīnda᷄ŋ ŋ̄ dɔ̄ū o̍ Mɛ̄lɛ̄ka̍ ni᷄ŋ ndo̍ tōsa̍ ma̍ sɔ̄lā sīōŋgɔ̄ɔ̍. Kɔ̍ a̍ kɔ̄l kɛ̄ndɛ̄.”

Mi̍ bu̍ɛ̍i̍yāā ndūa̍a̍ kūā ma̍ tīndī ndu̍. Ma̍ dīmī āā, “Māsānɔ̄ɔ̍, Māsānɔ̄ɔ̍, ŋ̄ cha᷄l le̍ lō o̍ pēēlo̍.” Mi̍ Chi̍i̍sū ti̍a̍ndū. Mɛ̄ɛ̍ o̍ te̍ndū, mbo̍ kpāā hūēīyīi̍ wa̍ hɔ̄ŋndo̍ ve̍ a̍ mɛ̄ŋma̍ wa̍ hīīlɔ᷄ŋ bɛ̍ndōo̍ wa̍ŋ. Mi̍ hūēīye̍ pɛ̄ŋgī hɔ̄ŋndo̍. Mi̍ mɛ̄ŋnda̍ŋ bɛ̍ɛ̍ ma̍ pɛ̍ŋgī hīīlɔ᷄ŋndo̍.