Mistari Maarufu ya Biblia kutoka Zaburi 19

Shirikisha

Maneno ya kinywa changu na mawazo ya moyo wangu, yapate kibali mbele zako, Ee Mwenyezi Mungu, Mwamba wangu na Mkombozi wangu.

Torati ya Mwenyezi Mungu ni kamilifu, ikihuisha nafsi. Shuhuda za Mwenyezi Mungu ni za kuaminika, zikimpa mjinga hekima.

Mbingu zinatangaza utukufu wa Mungu, anga zahubiri kazi ya mikono yake.

Maagizo ya Mwenyezi Mungu ni kamili, nayo hufurahisha moyo. Amri za Mwenyezi Mungu huangaza, zatia nuru machoni.

Kumcha Mwenyezi Mungu ni utakatifu, nako kwadumu milele. Amri za Mwenyezi Mungu ni za hakika, nazo zina haki.