Populära bibelverser från Matayɔ 5

Dela

Nʉ ɓambakaya wanga nawɔ kʉkuto nʉ ɨkɔchɔ. Ɨkyɛmɨngana, ɓaʉnapɨa ekoo ʉ 'ʉbɨnga wɔngɔ, ɓɔ jʉ wʉpʉya ɓombi kʉ ɓuɓomu ngiɓa ɓaɓio ambɛnɨ ngiinanɨ. Kʉ ɓwanɨ, jɨeni apɛɛ ʉ ɓombi ngbanga ndʉ wanga, ambʉ ɓombi ɓʉna ɨkyananakɨa yɛɛ iɗo ngiindɛnʉ, ɓambubibiso Atɔ ʉndɛnʉ ngia ekoo ʉ ɓisi. »

Inu na ndʉ wanga amati ɨtaka ngia. Gʉlʉ ngia ɓaamʉtɨa ekoo ʉ ɨkpangba, ambakaɓatanɨa gʉkʉ ɗɛkɛkɛ.

Ɨgyagya nʉ ɓiga ngiɓa ɓanʉ 'ʉtʉma wɔɔ uɗo, jʉ ɛɓɔ ɓa꞊na Asʉɓɨɨ akʉ mesu.

Ɨgyagya nʉ ɓiga ngiɓa ɓanʉ taa, nʉ taa yɛɛ kyɨɛ moni akʉ ɓungbingbii apɛɛ ʉ Asʉɓɨɨ, jʉ ɛɓɔ ɓa꞊mʉta mʉtanɨ.

Ɨkyɛmɨngana, ɛmɛ maninu kusigio ɓɔ, kʉndeni ɓakwa ɓʉndɛnʉ. Tɨeni ɓombi ngiɓa ɓaninu kʉkyananaka.

« Ɨgyagya nʉ ɓombi ngiɓa ɓanʉ ɓanangyɨa akʉ 'ʉtʉma, jʉ Ɓʉngama ngiɓa ɓa ekoo ʉ ɓisi ɓa akʉ ekoo ʉndaɓʉ.

Ɨgyagya nʉ ɓiga ngiɓa ɓaanziso majɨɔ, jʉ Asʉɓɨɨ a꞊ɓusoko ɓɔ ɓana ɓangɔ.

Ɨgyagya nʉ ɓiga ngiɓa ɓakʉdya ikoko, jʉ Asʉɓɨɨ a꞊ɓusingo 'ʉtʉma singoni.

Ɨgyagya nʉ ɓiga ngiɓa ɓanaɓɔ kʉkyananaka jʉ ɓakʉkyɨa moni kɔɔ ngbingbii apɛɛ ʉ Asʉɓɨɨ, jʉ Ɓʉngama ngiɓa ɓa ekoo ʉ ɓisi ɓa akʉ ekoo ʉndaɓʉ.

Ɨgyagya nʉ ɓombi ngiɓa ɓaanɨa ɓangɛ ikoko, jʉ Asʉɓɨɨ a꞊ɓʉnɨa ɛɓɔ ikoko kʉ nɨaa.

Ɨgyagya ninu ati ngia ɓombi ɓa‑ɔɔ ninu kʉzɨaka, nʉ kʉkyananaka, nʉ chwio nʉ yakanaka akʉ lɨngbaa lʉ moni kʉ di di di aka ekoo asɛmɛ. Kweni ɨgyagya, nʉ jananakɨeni nadɨndɨ, jʉ na꞊nyɨa nʉ apɛpɛ ɔɔ ʉja ekoo ʉ ɓisi. Jʉ ɓombi ɓa꞉kyananaka jɛnɛ lɨgbɛ lʉ Asʉɓɨɨ ngila lʉ pɛɛ kʉ ɓwanɨ. »

Ɨgyagya nʉ ɓiga ngiɓa ɓanʉ 'ʉtʉma wʉ majɨɔ, jʉ ɛɓɔ ɓa꞊dya maɓɨɨ akʉ ɨtaka ngia.

« Inu na ndʉ 'ukwe akʉ ɨtaka ngia. Ɨkyɛmɨngana, 'ukwe kʉndapakeni tiga ndapakanɨ, kasalɨa ɓata akʉ ɨkyɛmɛ tɨmanɨ? Mɛɛ‑zʉ ɓakukinyiso tii tʉkʉ aɓei ɓʉ kinyaa, ɓombi ɓambʉkichoo nʉ mɨtɨndɨ.

Kʉ ɓwanɨ, ɓieni ɓombi ɓɔɔ ngbingbii, ngbanga kʉndʉ Atɔ ʉndɛnʉ ngia a ekoo ʉ ɓisi akʉ ngbingbii. »

Akʉ lɨngbaa lʉ moni tʉkʉ kʉ liɓomu, nʉbayeni moni ɓɔ ‹ Oo ›, bayeni tʉkʉ nʉ ingono. Nʉ ndʉ natata moni ɓɔ ‹ Chʉkɔɔ ›, tateni tʉkʉ nʉ ingono. Jʉ moni ngika kɔɔ mʉmatakɨɛ ekoo ɔngɔ, kaaʉngwa ɔɔ Abɨa. »

« Nakʉmbɨa ʉpanʉ ngua ɓa꞉nzo jɛnɛ pɛɛ kusigo ɓɔ: ‹ Iso akʉ iso, nʉ iwenu akʉ iwenu. › Ɨkyɛmɨngana, ɛmɛ maninu kusigio ɓɔ, nɔɔtisiokɔmʉ ikosi yɨ ɓʉɓɨɓɨ ngiɓa mombi aɓio ʉnɨkyɨeni. Ndʉ mombi anaɓɛnda ɨkɔndɔ yɨ mesu akʉ ingyengye ngia yɨ ɨkɔndɔ yɨ guɔngɔ, mʉnɨtanisio tiga iya yɨ ɨkɔndɔ yɨ moiɔngɔ kʉnɨtanisioo.

Kʉndʉ iso ngiisɔɔ yɨ guɔngɔ yɨnasingeni akʉ ɨngbaa yɨ ɓʉɓɨɓɨ, wʉkwanana nayɔ kiso, wambiigiso. Ya piɛ gʉ iɗo ɓɔ wagba wʉ ndʉtʉ mungono nguʉsɔɔ wʉyangaa, chʉkɔmʉ pɛpɛ tiga ɓagiso ndʉtʉ ngiisɔɔ kʉ iɓomu amati ʉ dyaa ngia yɨ mɨtʉ yɨ ɨpá nʉ mɨtʉ yɨ ɨpá. Kʉndʉ ɨkɔndɔ ngiisɔɔ yɨ guɔngɔ yɨnasingeni akʉ ɓʉɓɨɓɨ, ɨtɨna tɨnaa wambiigiso danga. Jʉ ya piɛ iɗo nadɨndɨ ɓɔ wagba mungono wʉ ndʉtʉ nguʉsɔɔ wʉyangaa, chʉkɔmʉ pɛpɛ ɓɔ ɓagiso tiga ndʉtʉ ngiisɔɔ kʉ iɓomu amati ʉ dyaa ngia yɨ mɨtʉ yɨ ɨpá nʉ mɨtʉ yɨ ɨpá. »