Populära bibelverser från Luka 12

Dela

Wa namue îkaragani mwîvarîrîtie nîûndû Mûrû wa Mûndû agaaûka îthaarî rîrîa mûtamwîrîgîrîrîte.”

Vandû va ûguo, cariani Ûthamaki wake, nake nîakaamûva maûndû mama monthe.”

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Nîûndû kûrîa kuonthe mûthithû waku ûrî, nîkuo ngoro yaku îthagîrwa îrî.

Kûrî na mûndû wana ûmwe gatagatîrî kenyu ûngîyongerera mûthenya wana ûmwe ûtûûrorî wake wana akamaka atîa?

Jesû nîwacokire akîra arutwa ake atîrî, “Nie nîramwîra atî mûtikamakue nî ûvoro wîgiî irio irîa mûvatarîte kûrîa nîguo mûtûûre, wa na kana nguo irîa mûvatarîte gwîkîra mîîrîrî yenyu.

Wana nginya njuîrî cionthe cia kîongo kîenyu nî ndare. Kwoguo tigagani gwîtigîra nîûndû mue mûrî a vata mûno gûkîra tûconi twîngî.

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Tathiîni mûkaaroria mogogo: mativandaga na matikethaga; matirî nyomba cia kwiga maketha na matirî makûmbî; na Ngai nîamavecaga gîa kûrîa. Mue mûrî vata mûno gûkîra iconi!

“Kwoguo mûtigatangîke mûkîûria kîrîa mûkaarîa na mûkaanyua.

Angîthîrwa Ngai nîke ûvecaga nyaki ya kîthakarî riiri, nyaki îrîa îrî vo ûmûnthî na rûyû îgaikua riiko, na kinthî tî ke ûngîmwîkîra nguo mûno makîria mue andû aya a wîtîkio mûnini!

Ûndû wa wonthe mûkunîkîre nîûgaakunûrwa, na wa wonthe mûthithe, nîûkaamenyeka.