Populära bibelverser från Matiu 5

Dela

Ra tajua mono tetihe na pula, tesajuria me ria vavana huro, tejuria me na vusuhana sanu, tau motila parara ta mera me na lolona pea. Paletuha motahonae ra pulamiu titila parara me ra tajua, suria hire tireni ra pilamiu vei tahonae tiaso tahonae me Tamamiu me na tailahi.

Amiu na rani hi na ulu. Te vanua itea me na vuti mosatoho punu.

Ra taha lolo voevoe teejieji: suria tireni Atua pa.

Ra taha marohati, ra taha marorou, hi na vei tataholo, teejieji: suria tihani tiasihi pa.

maa inau aaso ta meamiu, Motahonae na lolomiu tivano me ra satuamiu, otomatapisi suri ra tajua taha vei oso meamiu

Ra taha malumulurnu me na talumera teejieji: suria ra sanu hi na tailahi tesipilara.

Ra taha tarajuri ra tajua tetoho tamautu teejieji: suria tijurira ra matu i Atua.

Ra taha tahi toho teejieji: suria titahimoti pa.

Ra taha ra tajua tevei oso mera suri ra pilara vei tataholo teejieji: suria ra sanu hi na tailahi tesipilara.

Ra taha lolo malumu me ra tuara teejieji: suria na lolora timalumu mera.

Amiu otoejieji me na rani hi ra tajua tiaso oso ta meamiu, tivei oso meamiu, tiaso jihajiha ra sanu oso suriamiu, suriau. Motahonae otoejieji tohova: suria na volimiu motahajia me na tailahi: suria palahi tevei oso me ra provet mine.

Ra taha toho tamautu teejieji: suria ra sanu hi na ulu tisipilara.

Amiu na tasivuso hi na ulu: maa va na tatasiha se na tasivuso mojoa ae, otovei tatasiha ae hi nasava? mosata-honae sura sanu, motahonae sura putuhea, sura laho ae hasa.

Suria amiu otositahonae tohova, pala i Tamamiu me na tailahi inie motahonae tohova.

Motahonae na semu aso mopale Io, io; Aue, aue: na aso taha hauhaua jivi hi ra aso naa inie moso.

Otorohoe teaso mine, Otovoli na matana tajua hi na matamu, otovoli na patina tajua hi na patimu: maa inau aaso ta meamiu, Oisitoho tamautu me na taha oso: maa tea va ilosiho me na matuana parimu, oitahapereheho ta mea na vala palena parimu mono.

Na matuana matamu va iveho ovei vasoosoo, oivutia, oiputuhea: suria na sopena epemu motea va imate, natuha motahonae jivi na epemu vunuvunu ivano me na hapu. Na matuana havemu mono va iveho ovei vasoosoo, oijimi tusia, oiputuhea: suria na sopena epemu motea va imate, natuha motahonae jivi na epemu vunu-vunu ivano me na hapu.