Populära bibelverser från SAN MARCOS 1

Dela

Ape rʉmʉ ca-bujuparo jʉgoye Jesú yupi, ti maca tʉjaro camaja manopʉ Diore ca-jenii aájupʉ.

Oco bairo ca-ĩi buio teñañupʉ: —Meere, eja tʉgami mʉja tʉpʉre yoaro mʉja ca-yuuricʉ. Yucʉacana, meere Ʉpaʉ jãagʉmi. To bairi caroorije mʉja cá-átinucurijere jʉtiritiri mʉja ca-tʉgooñarijere wajoaya. Dio camajare na netoo catíogʉmi ĩriquere api nʉcʉbʉgoya, ca-ĩi buio teñañupʉ.

Cʉ̃ ca-bautisaro bero Jesú ca-maa nʉcañupʉ ti ya tʉjaro. Maanʉca, ʉmʉrecóo jope ca-pãaro ca-tʉjʉyupʉ Jesú. Cʉ̃ ca-tʉjʉro buare bairo bauʉ Espíritu Santo ca-rui ajupʉ Jesú bui. To bairo cʉ̃ ca-bairi paʉna ʉmʉrecóopʉ cʉ̃ Pacʉ cʉ̃ ca-wadarijere ca-apiyupʉ Jesú: —Yʉ Macʉ, yʉ ca-mai netoʉ majuu mʉ ãa. Seeto mʉ yʉ tʉjʉ wariñuu, cʉ̃ ca-ĩiñupʉ Dio Jesúre.

Oco mena ca-bautisaʉ yʉ ãa yʉa. Cʉ̃ maca Espíritu Santore mʉja joogʉmi cʉ̃re ca-boorãre. Cʉ̃ Espíritu Santore joʉ, oco mena coje majuuricarore bairo mʉja átigʉmi, caroorije mʉja cá-átiere rei.

To bairo na cá-áto tʉjʉʉ: —Jitá yʉ mena, na ca-ĩiñupʉ Jesú. —Caroaro mʉja wai waja maji. Yucʉra yʉ mena aána camajare Dio ye quetire mʉja buio majigarã. To bairo mʉja ca-ĩi buiorijere apirã na quena Diore ca-apiʉjarã anigarãma, na ca-ĩiñupʉ Jesú. To bairo cʉ̃ ca-ĩrijere apirã nemoona na bapi yucʉre piti cũu, Jesú mena cá-aácoajuparã.

Jesú cʉ̃ ca-buiorijere apirã api wariñuubana quena ca-api acʉacoajuparã, caroaro ca-maji netoʉ ãmi ĩirã. Nare ca-buionucurãre bairo na ca-buioquẽjupʉ Jesú maca.