Génesis 21
21
Isaa cjihto masa bajuaha
1Yawe Sarare noano wahachʉ yoaro taro, tó panopʉ “Mʉhʉ bʉcʉrocoro jipacohta cʉ̃iro wihãrirocã pohna ticohca” to ni yahurirore quihõno yoaha. 2Ã jiro ticoro Abrahãre cʉ̃iro mʉnocã pohna tibasaha, bʉcʉna quina ti jiri baharopʉ. Quihõno Cohamacʉ Abrahãre to ni yahu quihõ mʉhtari pja baroihta tiro nijinocã sehe bajuaha. 3Sara to cjʉabasarirocãre Abrahã sehe, “Isaa” ni, pisuha. 4Ã yoa to bajuari baharo, ocho dachori to cjʉachʉ waro, to pʉcʉro sehe Cohamacʉ to dutiro seheta tirocãre to pjacʉ cahsarocãre yihso naha. 5Isaa to masa bajuari pjare Abrahã sehe cien cʉhmari cjʉaa tiha. 6Ã yoa Sara õ sehe niha:
—Cohamacʉ yʉhʉre noaputiaro yoara. Tiro yʉhʉre wahchero mehne bʉjʉchʉ yoara. Tuhsʉ, jipihtina ahri quitire tʉhoina cʉ̃hʉ yʉ yoaro seheta wahchero mehne bʉjʉahca —niha.
7Baharo õ sehe ni namoha tjoa:
—Jipihtina masa, “Ne Sara Abrahãre pohna tibasasi” ni, tʉhotumahre. Wiho mejeta bʉcʉro to jipachʉta, yʉhʉ sehe tirore cʉ̃irocã pohna tibasaja —ni, wahcheha.
To cahamacono Agare, ã jichʉ to macʉno Ismae cʉ̃hʉre cohã wioa tiha Abrahã
8Isaa bʉcʉro curero to wahachʉ ñʉa, to pʉcʉsʉma sehe tirocãre pũ duhu dutiha. Tirocã to pũ duhuri baharo, Abrahã sehe pjiri bose nʉmʉ yoa payoha.
9Ã yoa cʉ̃ nʉmʉ Ismae sehe Isaa mehne papero niha. Tiro Ismae sehe Abrahã pacoro Agar, egipto masono mehne to pohna tiriro jiha. Ti ã papechʉ ñʉno, Isaa pocoro Sara sehe soro tʉhotuha. 10Ã soro tʉhoturo, Abrahãre õ sehe niha:
—Ahricoro mari cahamaconore, to macʉno mehnepʉta wionocaga. Mari macʉ Isaa sehe jica mʉ cjʉaare cohtota, cjʉahtiro. Ã jiro mari cahamacono macʉno mehne dohse yoa cahma tju wa masierara —niha Abrahãre.
11To ã nichʉ tʉhoro, Abrahã sehe ne ji coaeraha. To macʉnore wio duaeraha tiro. 12-13To wio duaerachʉ ñʉno, Cohamacʉ sehe tirore õ sehe ni yahuha:
—Mʉ namo Sara mʉhʉre to sinino seheta yoaga. Mʉ cahamaconore, ã yoa to macʉno cʉ̃hʉre cohã wionocaga. Tuhsʉ, tina mehne ñano yajeripohna tii tjiga mʉhʉ. Masija. Mʉ cahamacono macʉno cʉ̃hʉ mʉ macʉta jira. Ã jicʉ tiro cʉ̃hʉre pjiri curua wahachʉ yoaihtja. Wiho mejeta wacũga yʉ mʉhʉre nirire. Yʉhʉ sehe mʉhʉre, “Ismae yʉ ya curua macariro cjihto jisi. Isaa sehe jirohca ya curua macariro cjihto” ni tuhsʉhi. Ã jicʉ mʉ macʉ Isaa mehneta payʉ mʉ panamana cjihti ji turia wahcãchʉ yoaihtja. Tina sehe jiahca yʉ ya curua macaina cjihti —ni yahuha Cohamacʉ Abrahãre.
Trenutno izabrano:
Génesis 21: GVC
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Todo os direitos são reservados a:
©Missão Novas Tribos do Brasil
Rua Itália, Qd. 57 L. 5-7 – Santa Isabel
75083-310 Anápolis, GO