CHABANGCHAM 9
9
Tingwang niu Noah khuga Ladriat thiukhaibo
1 #
Chab 1.28. Tingwang niu Noah nai panahmaidungtu thoikhaijiu din-e, “King-kajiu lunglo, sichiujiu naliu kaikikdung siniu kadihpiri pakhiangna lungchia milo. 2Chakhao thingna hinaniu natu pingjiu lungrabo-e. Paliu mathiutu nahangga pikhaibo-e. 3Tuhoira nangniu paliutu tiura leng; khatdi chapiubuan chaganniwdi tiura leng; Iniu naleng pikhai mibo-e. 4#Lev 7.26,27; 17.10-14; 19.26; Taj 12.16,23; 15.23.Nangniu tazai kampad makbo misira tiumak rabo-e; Iniu haise suimakge, palamra karingriangse tazaiga bambo-e. 5Mai khatniu chamainagu ringting kam mahasai, patu sajai pirabo-e. Wakhao khatniu chamainagu karingting kam mahasai, kashaibo siniu patu sajai pirabo-e. 6#Tad 20.13; Chab 1.26.Chamainatu Tingwang lun kumjiu damkhai mibo-e, siniu mai khat kumboniu mai khattu kamshat sai, patudi mai khatniu kamshat rabo-e.
7 #
Chab 1.28. “Nang king-kajiu lungrabo-e, sichiujiu nakai-kikdung siniu kadihpiri pakhiangna lungrabo-e.”
8Tingwang niu Noah nai panahmai khuga din-e, 9“Tuhoi Iniu nakhuga khatdi nakai-kikdung khuga, 10khatdi malee lung gasu nasaisui npadbo pasiu kathi hina, chakhao thingna pakhiangna khuga ladriat thiukhaibo-e. 11Iniu haibo ladkeng thinlujiu naliu khuga ladriat thiukhaibo-e: khaoring-khaona hinatu duidetniu wadaodi Iniu kam maha lanlak mide; wadao khatdi duidetniu kadihpiri haitu kam maha lanlak mide. 12Iniu naliu khuga khatdi khaoring-khaona hina khuga tingtheng leng ladriat thiukhaibo situ madan thiujiu. 13Iniu kamuong jiuga agu tavaipi hai kamkhaibo-e. Haisiniu ting-kadihga agu ladriatgu madan thiurabo-e. 14Iniu tingpukga kamuong nai takimalyse ngaoboga, 15Iniu naliu khuga khatdi khaoring-khaona hina khuga duidetniu wadao khatdi pasiu kathi hinatu kam maha lanlakge chiubo ladriatse maningtao rabo-e. 16Kamuongjiuga takimaly hai ngaoboga, Iniu kadihpiriga lungbo pasiu kathi hina khuga ladriat thiukhai mibose maningtao khairabo-e. 17Pasiu kathi hina khuga Iniu ladriat thiukhai mibo madanse hainiu thiurabo-e.”
Noah nai Panahpiudung
18Malee lung gasu npadbo Noah nahdung sira Shem, Ham khatdi Japheth hai-e. (Ham hai Canaan piu-e). 19Noah nahmai khang sum hainiu kadihpiriga lungmai hina paopeh-e.
20Noah hai chalu tien thiumai khatle, paniu mumsy hai lingrai thubo piu-e. 21Paniu jaw poinakha sak khaiboga, maniu mijiu, pagu mathenky gase pafai-pani lupad lujiu papumruang jibamme. 22Canaan piu, Ham hainiu papiu pumruang jibam niubo ngaolujiu, pasingna kania khuga wang paokhai-e. 23Mathenky lung gase Shem nai Japheth niu tadlujiu, papiu pumruang situ ngaomakra, panai makhuakga chafai khailujiu,, sailam nkhinwang thaptom khai bide. 24Noah niu pachun marakpad lanboga, panah nathubopiu siniu pakhuga degu kam khailo chiubo siluboga, 25paniu dinsude,
“Canaan riga tasiang bam milo!
Pahai pasingnamai vang thiurabo-e.
26Shem Rawang, Rapiu tu thuonlo! Canaan hai Shem vang thiurabo-e.
27Tingwang niu pijiu Japheth tu nkiukhangbo thiu milo!
Shem tu pijiu pakai-pakikdungtu maluang lung milo! Canaan hai Japheth vang thiurabo-e.”
28Tadui nailubo sai Noah niu takum 350 lungkhai-e, 29sichiujiu pah takum 950 ga shai mide.
Trenutno izabrano:
CHABANGCHAM 9: LIANBSI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.