CHABANGCHAM 10
10
Noah Nahpiudung gu Kaikikdung
(1 Char 1.5-23)
1Haimaidungse Noah nahpiudung, Shem, Ham, khatdi Japheth kaikikdung-e. Panah npiumai khang sum hainiu tadui nailubo sai paliu nahdung lung-e.
2Japheth nahdung hainiu Gomer, Magog, Madai, Javan, Tubal, Meshech khatdi Tiras haisi-e, paliu hai paliu paopeh zan thinjiu lungmai-e. 3Gomer kaikikdung siniu Ashkenaz, Riphath khatdi Togarmah-e. 4Javan kaikikdung siniu Elishah, Spain, Cyprus khatdi Rhodes paliu-e; 5paliu hai singgiu mungga khatdi chapiu kakga lungmaidung-e. Haimaidungse Japheth kaikikdung-e. Sichiujiu jat tam-tamboga khatdi kadih tam-tamboga lungjiu palad-lad tam mibo-e.
6Ham nahdung siniu Kush, Egypt, Libya khatdi Canaan paliu-e, paliu hai paliu paopeh zan thinjiu lungmai-e. 7Kush kaikikdung siniu Seba, Havilah, Sabtah, Raamah khatdi Sabteca paliu-e. Raamah kaikikdung siniu Sheba nai Dedan maidung si-e. 8Kush nahpiu Nimrod kubo khat lung-e, pahai kadihpiritu ngamrai thubo kadibopiu si-e. 9Rapiu gu nkha khaibo jengniu pahai tathiu hasipiu khat thiu-e, sijengniu maidungniu haichiu dinjiu bambo-e, “Rapiu niu natudi Nimrod kumjiu tathiu hasipiu pithiukhai bilo!” 10Karaigara pagu chawang kadih hai Babylon, Erekh khatdi Accad, haidung sumse Babylon ga bamniu-e. 11Sibo kadih gasu paniu Assyria lam tadlujiu Nineveh, Rehoboth Ir, Kalah, 12khatdi Resen namdidungse Nineveh nai kadibo namdi Calah kakga thiukhai-e.
13Egypt kaikikdung siniu Lydia, Anam, Lehab, Naphtuh, 14Pathrus, Kasluh khatdi Crete paliu-e, paliu khugasu Philistine maidung lung padbo-e.
15Canaan nah tingthubo siniu Sidon-e, sibosai Heth si-e, paliu hai paliu paopeh zan thenjiu lungmai-e. 16Canaan hainiu Jebus mai, Amor mai, Girgash mai, 17Hiv mai, Ark mai, Sin mai, 18Arvad mai, Zemar mai khatdi Hamath mai paopeh-e. Canaan mai jatdung siniu lung mara padjiu, 19Canaan mai ramrai hai dipadjiu, Sidon gasu tingrunlam Gaza mungga bambo Gerar, khatdi tingbanglam Sodom, Gomorrah, Admah khatdi Lasha mungga bambo Zeboiim tangbo si-e. 20Haimaidungse Ham kaikik mai-e, paliu hai jat katam-tambo khatdi kadih katam-tam lam lungjiu paliu lad tam-tamjiu lungmibo-e.
21Japheth singna Shem hainiu Hebrew mai mathiu paopeh-e. 22Shem nahdung siniu Elam, Asshur, Arpachshad, Lud khatdi Aram paliu-e, paliu hai paliu paopeh zan thinjiu lungmai-e. 23Aram kaikikdung siniu Uz, Hul, Gether khatdi Meshek paliu-e. 24Arpakhshad hai Shelah piu-e, pahai Eber piu-e.
25Eber nah khang nia lung-e, khang khatbo zanniu Peleg#10.25: Peleg: Haise Hebrew mai ladga ‘njanbo’ chiubo-e. chiu-e, palamra paken-ga kadihpiri mainahdung hai njanpad mibo-e; khang khatbo zanniu Joktan chiu-e. 26Joktan kaikikdung siniu Almodad, Sheleph, Hazarmaveth, Jerah, 27Hadoram, Uzan, Diklah, 28Obal, Abimael, Sheba, 29Ophir, Havilah khatdi Jobab paliu-e. Paliu mathiu hai Joktan khugasu lungpadbo-e.
30Paliuniu lungbo kadih hai Mesha gasu tingbanglam bambo maluanggen Sephar tangbo dipadle. 31Haimaidungse Shem kaikik mai-e, paliu hai jat katam tambo khatdi kadih katam-tam lam lungjiu paliu lad tam-tamjiu lungmibo-e.
32Haibo maidungse Noah kaikikdung-e, paliuniu lungbo saisuijiu katam-tambo jat padmibo-e. Duidet saiga, kadihpiriga lungbambo mai hina Noah nahdung khugasu lungkiubo kam-e.
Trenutno izabrano:
CHABANGCHAM 10: LIANBSI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.