Ju KENI një lutje!Shembull

“Perëndia do që të dëgjojë nga ti.”

Një nga arsyet e shumta se pse lutja shihet si mjeti i fundit kur përballemi me sfidat, është se kemi një perceptim të pasaktë të Perëndisë. Nganjëherë mendojmë gabimisht se Perëndia ka vetëm një nivel interesi të largët dhe jopersonal në jetën tonë. Megjithatë Perëndia është thellësisht i interesuar për jetën tënde. Ai të krijoi për kënaqësinë e Tij dhe dëshiron të punojë në ty dhe përmes teje!

Lutja përkufizohet thjesht si një komunikim me Perëndinë. Mendo për një miqësi të ngushtë. Me siguri, ai person është pranë teje kur ke nevojë për të, por ti flet me të gjatë gjithë kohës, apo jo? Ti ndan jetën tënde me të, apo jo? Perëndia dëshiron të jetë miku yt më i mirë. Mund t'i tregosh Atij gjithçka dhe çdo gjë; me Të mund të qeshësh, mund të flasësh për ditën tënde, mund të jesh i sinqertë, mund të shprehësh dëshirat e zemrës tënde. Më thelbësorja është se Ai dëshiron t'i dëgjojë të gjitha! Perëndia dëshiron shumë që ti të kesh një komunikim të ngushtë dhe personal me Të.

“Ja, unë qëndroj te dera dhe trokas; nëse dikush dëgjon zërin tim dhe të hapë derën, unë do të hyj tek ai dhe do të ha darkë me të dhe ai me mua.” Zbulesa 3:20

Jezusi po troket në derën e zemrave tona, me dëshirën që të ketë një kohë të çmuar bashkësie në një plan personal. Hapja e asaj dere ndaj kërkesës së ëmbël të Jezusit për bashkësi është fillimi i një jete lutje të suksesshme, efektive dhe shpërblyese, mbushur me bekimet e Perëndisë.

Perëndia është burimi i vërtetë i strehimit në jetë dhe Ai dëshiron të na tregojë besnikërinë dhe dashurinë e Tij - asnjë sfidë nuk është kurrë e madhe për Të - Ai thjesht dëshiron të dëgjojë prej teje.

“Ki besim tek ai vazhdimisht, o popull; hap zemrën tënde para tij, Perëndia është streha jonë.” Psalmi 62:8