Një Shkundje GëzimiShembull

Jezusi kaloi nëpër sprova dhe rrethana të vështira ndërsa jetoi në tokë si njeri. Kryqi ishte më shumë se një provë dhe më i madh se një parehati. Kryqi ishte dhimbje! Ishte vuajtje! Ishte agonia më e madhe e njohur në të gjithë njerëzimin. Si mund ta duronte Jezusi kryqin dhe mundimin e dhimbjes fizike që i ishte vendosur?

Ai duroi kryqin, edhe pse Ai e përçmoi dhimbjen, për shkak të gëzimit që ishte vendosur para Tij. Cili ishte gëzimi që Jezusi pa kur ishte në kryq? Cili ishte gëzimi i jashtëzakonshëm mbi të cilin ai u përqëndrua, kur dhimbja ishte shumë e madhe për t’u përballuar? Gëzimi që i dha Jezusit forcën për të vazhduar ishe ti ... dhe unë. Ne jemi gëzimi i Tij dhe Ai është gëzimi ynë!

Jezusi e dinte se Ai duhej të vdiste në mënyrë që ne të mund të jetonim ... ky ishte gëzim i pastër për Të! Jezusi e dinte që Ai duhej të gozhdohej në kryq, në mënyrë që të mund të çlirohemi nga dhimbja, varësitë dhe depresioni … ky ishte gëzim i papërshkrueshëm për Të! Jezusi e dinte që Trupi i Tij duhej të duronte një vdekje të tmerrshme, në mënyrë që të mund të shëroheshim ... dhe Ai e konsideroi këtë si gëzim të pastër!

A i pëlqente Jezusit ajo që duhej të kalonte? Jo ... Bibla na thotë se Ai e përçmoi atë ... por ai e bëri atë sepse ai të quajti "Gëzim". Mund të kemi gëzim sepse ne kemi Jezusin!