Të përjetosh përtëritjen e PerëndisëShembull

Është thënë shpesh që mendja është fusha e betejës së djallit. Ka shumë të vërtetë në këtë pohim, pasi shumë prej betejave frymërore që ne luftojmë kundër armikut tonë ndodhin në mendjen. Ndoshta është faji i një mëkati të shkuar që armiku ynë frymëror vazhdon ta sjellë në mendjen tënde ose lakmia e një varësie të cilën nuk e ke mposhtur plotësisht. Ndoshta ai të pëshpërit fjalë negative që të sjellin dyshime për besimin tënd ose për aftësinë që ke për të përmbushur atë që Perëndia synon për ty që të bësh. Bëj siç thotë sot Romakëve 12:2 dhe lejoje Perëndinë të të transformojë përmes ripërtëritjes së mendjes tënde. Lutju dhe kërkoji Perëndisë sot që të largojë mendimet negative me të cilat armiku ynë frymëror vazhdon ta mbushë mendjen tënde dhe lejoje Perëndinë të ripërtërijë mendjen tënde dhe të zëvendësojë negativizmin me qartësi dhe pastërti. Lejoje Perëndinë të luftojë betejën në mendjen tënde dhe të korrë fitore.