Përse Pashka?Shembull

Përse erdhi Ai, dhe përse vdiq?

Jezusi është i vetmi person që bëri zgjedhjen të vijë në këtë botë përmes lindjes, dhe është ndër të paktët që ka zgjedhur të vdesë. Ai tha që arsyeja për ardhjen e Tij ishte që të vdiste për ne. Ai erdhi për të dhënë jetën e vet si shpengim për shumë njerëz. (Marku 10:45)

Jezusi tha se Ai vdiq "për" ne. Fjala "për" nënkupton " në vend të". Ai e bëri këtë sepse Ai na donte ne, dhe nuk dëshironte që ne të paguanim dënimin e të gjitha gjërave që i kemi bërë gabim. Në kryq, Ai po thoshte "Unë do t'i marr të gjitha ato gjëra mbi veten time". Ai e bëri këtë për ty, dhe Ai e bëri këtë për mua. Nëse ti ose unë do të ishim personat e fundit në botë, Ai do ta bënte këtë për ne. Pali shkruan për "Birin e Perëndisë, i cili më deshi dhe e dha veten për mua" (Galatasve 2:20). Ishte për shkak të dashurisë që kishte për ne, që e dha jetën e Tij si shpengim.

Fjala "shpengim" vjen nga tregu i skllevërve. Një person me zemër të mirë mund të blejë një skllav dhe më pas ta lërë të lirë- por fillimisht duhet të paguhet çmimi i shpengimit. Jezusi e pagoi, me gjakun e Tij në kryq, çmimin e shpengimit që të na bënte ne të lirë.