Informacion rreth planit

Të gjesh liri nga stresiShembull

DITA 5 NGA 5

Ndryshoni fokusin tuaj.

Stresi nuk duhet të përcaktojë historinë tuaj. Ne kemi mësuar se stresi është një pjesë e natyrshme e jetës, por Jezusi mund të na ndihmojë ta kapërcejmë plotësisht atë nëpërmjet paqes së Tij të përjetshme. Pra, si mund ta dorëzojmë stresin dhe të vazhdojmë të ecim përpara me jetën tonë?

Ne duhet ta zhvendosim fokusin tonë nga stresi drejt Perëndisë tonë. Por ku do të fillojmë? Para së gjithash, dijeni se Perëndia kujdeset për të gjithëstresin tuaj. Nëse jeni duke u çuditur për fundin e semestrit ose keni një krizë nervore rreth asaj se çfarë të bëni me pjesën tjetër të jetës tuaj, Perëndia ynë kujdeset për të dhe do t'ju japë paqe. Paqja e tij mund të mos jetë gjithmonë ajo që prisni, por gjithmonë do të jetë ajo që ju nevojitet.

Pra, shikoni se si mund ta zhvendosim fokusin nga stresi.

Adhuroni para se të jeni gati. Pali na mëson se çfarë duhet të bëjmë kur kemi të bëjmë me stresin tek Filipianëve 4 dhe ai fillon duke na thënë që gjithmonë të gëzohemi në Zotin. Gjithmonë. Ndërsa, ne adhurojmë Perëndinë kur ne ndjehemi si Ai dhe kur nuk e bëjmë, sepse edhe pse humori ynë ndryshon, Perëndia kurrë nuk e bën. Ai gjithmonë është i denjë për adhurimin tonë, edhe kur rrethanat tona janë të ashpra. Kur adhurojmë Perëndinë, kujtojmë se kush është Ai dhe atë që na solli. Dhe Perëndia është më i madh se stresi dhe shqetësimet tona.

Dorëzojeni stresin tuaj. Hapi ynë i ardhshëm është të lutemi dhe të çlirojmë kontrollin. Ne duhet ta çlirojmë plotësisht gjendjen tonë dhe të besojmë që Perëndia do të kujdeset për ne. Në versionin e biblës mesazhi të Filipianëve 4, thuhet të "jepni formë shqetësimeve tuaja në lutje ... është e mrekullueshme se ç'mund të ndodhë kur Krishti zhvendos shqetësimin në jetën tuaj." Çlirimi i stresit do të thotë vetëm që të dorëzoheni plotësisht dhe të mos shikoni prapa.

Redrejtoni mendimet tuaja. Nuk mjafton vetëm që të përpiqemi të ndalojmë stresin. Duhet të ndryshojmë atë që mendojmë. Pali shkruan se duhet të përqendrohemi në atë që është e pastër, e drejtë dhe e bukur. Përqëndrojeni mendjen për këto gjëra, jo për atë që jeni të stresuar. Mos harroni të jeni mirënjohës për atë që keni, atë që Perëndia ju ka sjellë, dhe njerëzit e mahnitshëm në jetën tuaj. Lejoni që mirënjohja të përmbytë mendjen dhe zemrën tuaj. Më në fund, merrni çdo mendim rob dhe e bëni të bindur ndaj Krishtit. Zëvendësoni "Unë jam i stresuar," me "Unë mund të bëj të gjitha gjërat me anë të Krishtit që më forcon." Shpartalloni gënjeshtrat e stresit me të vërtetën e fuqishme të Fjalës së Perëndisë.

Kur të ndërtoni një zakon për të bërë këto tri gjëra, mund të përjetoni paqen e Perëndisë në çdo situatë. Pra, pranoni stresin tuaj, veproni për ta zëvendësuar atë me të vërtetën dhe e paraqisni atë tek Ati juaj qiellor që kujdeset për ju. Ju mund të përjetoni paqe çdo ditë, kështu që kërkoni atë dhe lëjeni stresin tuaj pas.

Bisedoni

Tek cilat nga këto tri ide duhet të përqendroheni më shpesh?
Cilat janë disa gënjeshtra që stresi zakonisht ju tregon? Me çfarë mund t'i zëvendësoni ato gënjeshtra?
Vendosni se si do të reagoni herën tjetër kur të ndjeheni të stresuar ose të tronditur.

Shkrimet e Shenjta

Filipianëve 4:4-9

Filipianëve 4:13

2 Korintasve 10:3-5

Psalmet 9:1-10

Dita 4

Rreth këtij plani

Stresi është i vërtetë, por nuk duhet të drejtojë jetën tënde. Nëpërmjet Krishtit, ne mund ta riformulojmë atë, ta rifokusojmë atë dhe ta ripërcaktojmë atë. Nëse jeni duke luftuar me stresin, shikoni këtë Plan 5-ditor të Biblës për të mësuar se si të gjeni lirinë dhe paqen.

Ne dëshirojmë të falënderojmë Life.Church që siguroi këtë plan. Për më shumë informata, ju lutemi vizitoni: https://www.life.church/

Rreth publikuesit