Oswald Chambers: Gëzimi - Fuqia Në ZotinShembull

Gjithçka që qëndron e errët dhe e panjohur tani, një ditë do të jetë po aq e qartë, sa rrezatuese dhe e gëzueshme, si ajo që kemi parë. Nuk është çudi që Zoti na këshillon të jemi të durueshëm. Pak nga pak gjithçka do të nxirret në dritë, derisa të kuptojmë siç kuptoi Jezus Krishti. Tërësia e përjetësisë do të merret me kuptimin dhe njohjen e Zotit, dhe faleminderit Zotit, ne mund të fillojmë ta njohim Atë duke filluar që këtu në tokë. Një jetë e shenjtë do të thotë të fillojmë ta kuptojmë Perëndinë dhe të manifestojmë jetën e Birit të Perëndisë në mishin tonë të vdekshëm.

Kur mësojmë sado pak më shumë rreth Perëndisë, mbushemi me një gëzim qe s’mund t'a shprehim dot. Nëse e kuptojmë Zotin në çdo pikë, do të dimë diçka nga gëzimi që ndjeu Jezusi. Është një zotërim i mrekullueshëm, është vetë karakteristika e Jezusit.

Pyetje reflektimi: A kënaqem me zbulesën e ngadaltë të Zotit apo jam i paduruar me mungesën e urgjencës së Tij? Nëse Perëndia nuk e ka me nxitim, pse duhet të nxitoj unë? Si mund të shijoj njohurinë nëse nuk shijoj zbulimin?

Citimet janë marrë nga Our Brilliant Heritage, © Discovery House Publishers