Psom 4
4
Lapriyer leswar pou dimann sekour
Pou sef koral pou akonpagnman ar instriman ki ena difil. Enn Psom David.
1Reponn mwa kan mo priye twa.
Bondie tomem mo lazistis.
Kan mo ti dan detres to finn liber mwa.
Montre to bonte, ekout mo lapriyer.
2E zot, dimounn inportan,
komie letan ankor zot pou mepriz mo laglwar?
Komie letan ankor zot pou atase ar mansonz,
e galoup deryer bann kiksoz initil?
3Pa bliye ki LESEGNER finn met apar pou limem dimounn ki fidel,
e LESEGNER tann mwa kan mo dimann so led.
4Pa les lakoler fer zot tom dan pese;
aswar lor zot lili, reflesi lor la e gard silans.
5Ofer LESEGNER sakrifis ki bizin
e met tou zot konfians dan li.
6Boukou dimounn pe dir, “Kisann-la kapav fer nou trouv nou boner?”
SEGNER, fer lalimier to prezans briy lor nou.
7To finn met dan mo leker plis lazwa ki bann-la ena
kan zot rekolt ek zot divin finn depas kantite.
8Mo dormi trankil, mo somey pezib,
parski to tousel O SEGNER vey lor mo sekirite.
Aktualisht i përzgjedhur:
Psom 4: KMNT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Nouvo Testaman Kreol Morisien Harmonisation NTPS KM © Bible Society of Mauritius, 2021.