Psom 3
3
Bondie zame abandonn nou
Enn Psom David letan li ti pe sove divan so garson Absalom.
1SEGNER, mo ena lennmi partou!
Zot boukou, ki pe lev kont mwa!
2Zot koz enn ta lor mwa,
zot dir, “Pena sime Bondie delivre li.”
3Me twa, SEGNER, to touzour boukliye ki protez mwa;
to sov mo loner, to relev mo latet.
4Mo kriye osekour for for mem ver LESEGNER
e li reponn mwa depi so montagn sakre.
5Aswar mo alonze, mo dormi anpe;
gramatin mo leve; LESEGNER la, li mo sekirite.
6Mem si enn larme mil dimounn anserkle mwa
sa pa fer mwa per.
7O SEGNER, lev twa!
Sov mwa, mo Bondie!
Kalot mo bann lennmi,
grenn ledan bann ki fer lemal.
8O SEGNER, twa ki amenn delivrans.
Devers to benediksion lor to pep.
Aktualisht i përzgjedhur:
Psom 3: KMNT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Nouvo Testaman Kreol Morisien Harmonisation NTPS KM © Bible Society of Mauritius, 2021.