Zvamungada kuziva pa Chirongwa ichi

Kuratidza Simba RekutendaChikamu

DAY 3 OF 3

RUTENDO MUMABASA

Chirema chakanga chiri muchimiro chisina kunaka. Kuti tinzwisise nyaya iyi tinofanira kuiisa mupfungwa dzedu. Chimiro chake raitova izwi rinodaidzira pachezvaro. Akanga achidaidzira rubatsiro. Vakaremara vakatitarira mazuva ose. Vari kutidaidza nemazita edu. Mhinduro yedu inoti kudiiko?

Tinogona kusava nesirivha kana ndarama . Tinogona kutarisa homwe dzedu tikashaya mari. Kunyange zvakadaro, tinazvo zvatinokwanisa kushandisa pakushumira Mwari nekubatsira vanhu. Tine zvipo, nguva, uye nesimba. Mwari vanoti tishandise zvatiinazvo. Vamwe makristu vanotambisa zvipiwa nezvipo zvavainazvo nekuti vanofunga kuti dai vane zvinofanana neumwe. Munyaya iyi, Pita akanga ane zvinokosha kudarika sirivha kana ndarama uye akazvishandisa mukurumbidzwa kwezita raMwari.

Kupupurwa kwechokwadi cheukristu kunofanira kuramba kuchienderera mukati mesangano. Zvichatibatsira kuti chaunga chevanhu chinzwe nekutenda kushoko raMwari. Zviratidzo zvichatibatsira kutsanangura zviri kuitwa naMwari. Shoko nemabasa zvinofanira kufambidzana. Tingangofunga kuti tingade mari kuti tikwanise kubatsira, asi handizvo zvatinganyanya kuda. Nzira chete yekuwana zvatinganyanya kuda ndeye musimba riri muna Jesu uyo anotipa mweya wekubatsira vamwe.

Munamato: Ndinouya pachigaro chenyu chenyasha Mwari wangu, ndichikutendai nekundionesa mukana uri mandiri wekuti umambo hwenyu uende mberi. Pese pandinoona vakaremara ndibatsirei kuti ndishandise zvandiinazvo. Nditungamirei mukurarama zvinotarisirwa panzira yechikristu nekuda kwedenga. Muzita raKristu. AMENI.

Kuwedzera kuverenga: Mako 10: 46-52| Jakobo 2:17-26| 1 Timotio 6:17-19| Ekisodo 4:1.

Rugwaro

Acts 3:3

Zuva 2

About this Plan

Chitsauko chechitatu chaMabasa chinotiratidza kukura zvine simba kwerutendo muna Jesu. Kubva pakuporeswa kwemurume akaremara kusvika pakuparidza kwaPita tinoona vaapositora, vachisundwa neMweya Mutsvene kuva vashandiri vanobuditsa pachena ukuru hwesimba raMwari. Zvinotisimudzira kuti tibatirire kusimba reruponeso nerudzikinuro rwatakapiwa naKristu, sezvazvakaitwawo kuvanhu veJerusarema.

Tinoda kutenda Trymore Mutare nekupa chirongwa ichi. Kuti uwane rumwe ruzivo, ndapota shanyira: https://www.facebook.com/trymore.mutare.7?mibextid=ZbWKwL

Zviri pamusoro pemunyori