Mapisarema 145:13-21
Mapisarema 145:13-21 Bhaibheri Dzvene MuChiShona Chanhasi (BDSC)
Umambo hwenyu umambo hwokusingaperi, uye ushe hwenyu hunogara kusvikira kuzvizvarwa zvose. Jehovha akatendeka pavimbiso dzake dzose, uye ane rudo kuzvinhu zvose zvaakaita. Jehovha anotsigira vose vanowa, uye anosimudza vose vakakotamiswa pasi. Meso avose anotarira kwamuri, uye munovapa zvokudya zvavo nenguva yakafanira. Munozarura ruoko rwenyu, uye munogutsa zvisikwa zvipenyu zvose nezvazvinoda. Jehovha akarurama panzira dzake dzose, uye ane rudo kuzvinhu zvose zvaakaita. Jehovha ari pedyo navose vanodana kwaari, kuna vose vanodana kwaari muchokwadi. Anozadzisa zvido zvaavo vanomutya; anonzwa kuchema kwavo uye anovaponesa. Jehovha anochengeta vose vanomuda, asi achaparadza vakaipa vose. Muromo wangu uchataura kurumbidzwa kwaJehovha. Zvisikwa zvose ngazvirumbidze zita rake dzvene nokusingaperi-peri.
Mapisarema 145:13-21 Bhaibheri Dzvene MuChiShona Chanhasi (BDSC)
Umambo hwenyu umambo hwokusingaperi, uye ushe hwenyu hunogara kusvikira kuzvizvarwa zvose. Jehovha akatendeka pavimbiso dzake dzose, uye ane rudo kuzvinhu zvose zvaakaita. Jehovha anotsigira vose vanowa, uye anosimudza vose vakakotamiswa pasi. Meso avose anotarira kwamuri, uye munovapa zvokudya zvavo nenguva yakafanira. Munozarura ruoko rwenyu, uye munogutsa zvisikwa zvipenyu zvose nezvazvinoda. Jehovha akarurama panzira dzake dzose, uye ane rudo kuzvinhu zvose zvaakaita. Jehovha ari pedyo navose vanodana kwaari, kuna vose vanodana kwaari muchokwadi. Anozadzisa zvido zvaavo vanomutya; anonzwa kuchema kwavo uye anovaponesa. Jehovha anochengeta vose vanomuda, asi achaparadza vakaipa vose. Muromo wangu uchataura kurumbidzwa kwaJehovha. Zvisikwa zvose ngazvirumbidze zita rake dzvene nokusingaperi-peri.
Mapisarema 145:13-21 Shona Bible 1949, revised 2002 (SNA2002)
Ushe hwenyu ndihwo ushe husingaperi, Noumambo hwenyu huchagara nokusingaperi. Jehovha anotsigira vose vanowa, Anosimudza vose vakakotamiswa pasi. Meso avose anotarira kwamuri; Munovapa zvokudya zvavo panguva yakafanira. Munotadzanura ruoko rwenyu, Ndokugutisa zvipenyu zvose. Jehovha akarurama panzira dzake dzose, Anenyasha pazvose zvaanoita. Jehovha ari pedyo navose vanodana kwaari, Vose vanodana kwaari nezvokwadi. Achaitira vanomutya sezvavanoda; Achanzwawo kudanidzira kwavo; ndokuvaponesa. Jehovha anochengeta vose vanomuda; Asi vakaipa achavaparadza vose. Muromo wangu uchataura kurumbidzwa kwaJehovha; Vanhu vose ngavarumbidze zita rake dzvene nokusingaperi-peri.
Mapisarema 145:13-21 Bhaibhiri Idzva rechiShona rine Dhuterokanonika (SCLBD)
Umambo hwenyu umambo hwokugara nokugara kutonga kwenyu kunogara kwezvizvarwa nezvizvarwa. TENZI anotendeka pane zvose zvaanotaura uye zvaanoita zvose anozviita nemwoyochena. TENZI anotsigira vanenge vavakuputsika uye anosimudzira vanenge varasiswa mwoyo. Meso ose anotarisa kwamuri imi muchivapa chokudya chavo nenguva yakafanira. Munotambanudza ruoko rwenyu muchigutsa nezvinodiwa nechinhu chose chipenyu. TENZI akarurama panzira dzake dzose uye ane mwoyochena pane zvose zvaanoita. TENZI ari pedyo navanodanidzira kwaari kuna vose vanodanidzira kwaari muchokwadi. Anozadzisa zvido zvavanomutya uye anonzwa kuchema kwavo achivaponesa. TENZI anochengetedza vose vanomuda asi vakaipa vose anovaparadza. Muromo wangu uchataura uchirumbidza TENZI vanhu vose ngavarumbidze zita rake rinoera narini narini.
Mapisarema 145:13-21 Baiberi Magwaro Matȿene aMŋari 1949 (Doke) (SUB1949)
Ʋushe bgenyu ndibgo ʋushe ʋusiŋgaperi, Noʋumambo bgenyu ʋucagara nokusiŋgaperi. Jehova unotsigira ʋose ʋanowa, Unosimudza ʋose ʋakakotamiswa pasi. Meso aʋose anotarira kwamuri; Munoʋapa ɀokudya ɀaʋo paŋguʋa yakafanira. Munotadzanura ruʋoko rwenyu, Ndokugutisa ɀipenyu ɀose. Jehova wakarurama panzira dzake dzose, Unenyasha paɀose ɀaanoita. Jehova uri pedyo naʋose ʋanoɗana kwaari, Ʋose ʋanoɗana kwaari neɀokwaɗi. Ucaitira ʋanomutya seɀaʋanoɗa; Ucanzwa ʋo kuɗanidzira kwaʋo, ndokuʋaponesa. Jehova unoceŋgeta ʋose ʋanomuɗa; Asi ʋakaipa ucaʋaparadza ʋose. Muromo waŋgu ucataura kurumbidzwa kwaJehova; Ʋanhu ʋose ŋgaʋarumbidze zita rake dɀene nokusiŋgaperi‐peri.
Mapisarema 145:13-21 Bhaibhiri Idzva rechiShona (SCLB)
Umambo hwenyu umambo hwokugara nokugara kutonga kwenyu kunogara kwezvizvarwa nezvizvarwa. TENZI anotendeka pane zvose zvaanotaura uye zvaanoita zvose anozviita nemwoyochena. TENZI anotsigira vanenge vavakuputsika uye anosimudzira vanenge varasiswa mwoyo. Meso ose anotarisa kwamuri imi muchivapa chokudya chavo nenguva yakafanira. Munotambanudza ruoko rwenyu muchigutsa nezvinodiwa nechinhu chose chipenyu. TENZI akarurama panzira dzake dzose uye ane mwoyochena pane zvose zvaanoita. TENZI ari pedyo navanodanidzira kwaari kuna vose vanodanidzira kwaari muchokwadi. Anozadzisa zvido zvavanomutya uye anonzwa kuchema kwavo achivaponesa. TENZI anochengetedza vose vanomuda asi vakaipa vose anovaparadza. Muromo wangu uchataura uchirumbidza TENZI vanhu vose ngavarumbidze zita rake rinoera narini narini.