Mapisarema 46:1-7

Mwari ndiye utiziro hwedu nesimba redu, Ndiye mubatsiri ari pedyo-pedyo panguva dzokumanikidzwa. Saka hatingatyi, kunyange nyika ikashanduka, Uye kunyange makomo akabviswa akaiswa mukati mamakungwa; Kunyange mvura zhinji yawo ikatinhira nokumutswa, Kunyange makomo akadedera nokupupuma kwawo. Rwizi ruripo, rune hova dzinofadza guta raMwari, Iyo nzvimbo tsvene yetabhenakeri dzo Wokumusorosoro. Mwari ari mukati maro; haringazununguswi; Mwari acharibatsira kana utonga hwotsvuka. Vahedheni vakaita bope, hushe hwakazununguswa; Akataura nenzwi rake, nyika ikanyauka. Jehovha wehondo anesu; Mwari waJakobho inhare yedu.

Zvemahara. Hurongwa neZviverengwa zveKuzvipira maringe neMapisarema 46:1-7