Zvirevo 22
22
1Zita rakanaka rinofanira kutsanangurwa kupfuura
pfuma zhinji;
Uye kudikanwa kupfuura sirivha nendarama.
2Vapfumi navarombo vanosangana pamwechete;
Jehovha ndiye muiti wavo vose.
3Munhu akangwara anoona zvakaipa, ndokuvanda;
Asi vasina mano vanopfuura havo,
ndokuwira munjodzi.
4Mubayiro wokuzvininipisa nokutya Jehovha
Ipfuma nokukudzwa noupenyu.
5Minzwa nemisungo zviri panzira yousakarurama;
Asi anochengeta mweya wake achagara kure nazvo.
6Rovedza mwana nzira yaanofanira kufamba nayo,
Ipapo kunyange akwegura haangatsauki pairi.
7Mupfumi anobata ushe pamusoro pomurombo;
Anotora chikwerete, muranda, wowakamupa chikwerete.
8Unodzvara zvakaipa, uchacheka dambudziko;
Shamhu yokutsamwa kwake ichanyangarika.
9Ane mwoyo munyoro acharopafadzwa;
Nokuti anopa varombo zvokudya zvake.
10Dzinga mudadi, kukakavara kugoendawo;
Nenharo nokunyadzwa zvichaguma.
11Anoda kuchena kwomwoyo,
Nowane miromo inofadza, mambo achava shamwari yake.
12Meso aJehovha anochengeta ane zivo;
Asi achakonesa mashoko omunhu anonyengedzera.
13Simbe inoti, “Kune shumba kunze,
Ndingaurawa pakati penzira dzomumusha.”
14Muromo wavakadzi vokumwe igomba rakadzika;
Anotsamwirwa naJehovha achawiramo.
15Upenzi hunonamatira mumwoyo womwana;
Asi shamhu yokurairira ichahudzingira kure naye.
16Anomanikidza murombo, anomupfumisa;
Anopa mupfumi zvipo, anongomushaisa.
17Rerekera nzeve yako, unzwe mashoko owakachenjera,
Mwoyo wako urangarire zivo yangu.
18Nokuti chinhu chakanaka, kana uchigara nazvo mukati mako,
Ngazvigare pamwechete pamiromo yako.
19Ndakakuzivisa, iyewe, izvozvo nhasi,
Kuti uvimbe naJehovha.
20Handina kukunyorera mashoko akaisvonaka here,
Okurairira nezivo here?
21Kuti uziviswe kwazvo mashoko ezvokwadi,
Kuti udzosere mashoko ezvokwadi
kuna vanokutuma here?
22Usatorera murombo, nokuti murombo;
Usamanikidza anotambudzika pasuo;
23Nokuti Jehovha achavarwira pamhaka dzavo,
Nokutadzira upenyu hwavanovatadzira.
24Usashamwaridzana nomunhu anotsamwa;
Usafambidzana nomunhu ane hasha;
25Kuti urege kudzidza tsika dzake,
Uteyire mweya wako musungo.
26Usava mumwe wavanozvisunga noruoko,
Kana vakazviita rubatso nokuda kwechikwerete.
27Kana usina chaungaripa nacho,
Achagokutorereiko nhoo dzako pasi pako?
28Usabvisa muganho wekare,
Wakaiswapo namadzibaba ako.
29Unoona munhu anoshingaira pabasa rake here?
Achamira pamberi pamadzimambo;
Haangamiri pamberi pavanhu vasingazikanwi.
Zvasarudzwa nguva ino
Zvirevo 22: SNA2002
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Shona Union Version 2002