Jeremia 31
31
1Neŋguʋa iyo — ndiɀo ɀinotaura Jehova — ndicaʋa Mŋari wamarudzi ose aIsraeri, naiʋo ʋacaʋa ʋanhu ʋaŋgu. 2Ɀanzi naJehova: Ʋanhu ʋakapukunyuka pamunondo, iʋo ʋaIsraeri, ʋakawana nyasha murenje, paŋguʋa yandakandoʋazorodza. 3Jehova wakaɀiratidza kwandiri ari kure, akati: Ɀirokwaɀo, ndakakuɗa noruɗo rusiŋgaperi, naiɀoɀo ndakakukweʋa noʋunyoro. 4Ndicakuʋaka ɀe, ipapo ucaʋa wakaʋakwa, iwe mhandara yaIsraeri; ucashoŋgedzwa ɀe ŋgoma dzako, ucaɓuɗa kundotamba naʋanofara. 5Ucasima ɀe minda yemizambiriŋga pamakomo eSamaria; ʋasimi ʋacasima nokudya ɀiɓereko ɀayo. 6Nokuti zuʋa ricaȿika, naro nharirire dzicaɗana pamakomo aEfraimi, dziciti: Simukai imi, tikwire Zioni kunaJehova Mŋari weɗu. 7Nokuti ɀanzi naJehova: Imbirai Jakobo nomufaro, pururudzirai mukuru wamarudzi; paridzirai, rumbidzai, muti: Jehova, ponesai ʋanhu ʋenyu, iʋo ʋakasara ʋaIsraeri. 8Tarirai, ndicaʋaʋuyisa ʋacibva kunyika yokumsoro, ndicaʋaʋuŋganidza kumigumo yenyika, pamŋe cete namapofu, naʋanokamhina, naʋakadzi ʋaʋa nomuʋiri pamŋe cete naʋanosurumuka; ʋacadzokera ʋuno riri ɓoka guru. 9Ʋacaʋuya ʋacicema, ndicaʋaperekedza ʋacinyeŋgetera; ndicaʋafambisa panzizi dzemvura zhinji, nenzira yakarurama, paʋasiŋgazogumburwi; nokuti ndiri ɓaɓa kunaIsraeri, Efraimi iɗaŋgwe raŋgu.
10Inzwai shoko raJehova, imi marudzi, muriparidzire paɀiwi ɀiri kure, muti: Wakaparadzira Israeri, ndiye ucaʋaʋuŋganidza, nokuʋaceŋgeta, seɀinoita mufudzi ɓoka rake. 11Nokuti Jehova wakadzikinura Jakobo, akamurwira muruʋoko rwounopfuʋura nesimba. 12Ʋacaʋuya ʋaciimba panɀimbo yakakwirira yeZioni, ʋacayerera semvura kuneɀakanaka ɀaJehova, kuɀiyo, nokuwaini itȿa, nokumafuta, nokuɀiɓereko ɀamakwai neŋombe; mŋeya waʋo ucaʋa somunda wakaɗiridzwa, haʋaŋgatoŋgoʋi nokusuwa ɀe. 13Ipapo mhandara icafara nokutamba, namajaya naʋatana pamŋe cete; nokuti ndicashandura kucema kwaʋo uʋe mufaro, ndicaʋanyaradza, nokuʋafadza pakusuwa kwaʋo. 14Ndicagutisa mŋeya yaʋaprista namafuta, ʋuye ʋanhu ʋaŋgu ʋacaguta neɀakanaka ɀaŋgu — ndiɀo ɀinotaura Jehova.
15Ɀanzi naJehova: Inzwi rinonzwika muRama, rokuwuŋgudza nokucema kukuru, Rakeri unocema ʋana ʋake; unoramba kunyaradzwa pamsoro paʋana ʋake, nokuti haʋaci’po. 16Ɀanzi naJehova: Dzora inzwi rako pakucema, nameso ako pamisodzi, nokuti ɓasa rako ricaripirwa muɓairo — ndiɀo ɀinotaura Jehova; ʋacadzoka ɀe ʋacibva kunyika yaʋaʋeŋgi ʋaʋo. 17Mugumo wako unetariro — ndiɀo ɀinotaura Jehova; ʋana ʋako ʋacadzokera ɀe kumiganho yaʋo. 18Ɀirokwaɀo ndakanzwa Efraimi aciɀicema, aciti: Imi makandiroʋa, ndikarobga semhuru isina‐kupiŋgudzwa; ndidzoserei imi, ipapo ndicadzoka, nokuti imi muri Jehova Mŋari waŋgu. 19Ɀirokwaɀo, ndakati ndadzoka, ndikatendeʋuka, ndakati ndarairirwa, ndikaɀiroʋa pahudyu; ndakanyadziswa, ɀirokwaɀo, ndakanyara, nokuti ndakatakura kushoʋorwa kwoʋuɗuku bgaŋgu. 20Ko Efraimi ndiye mŋanakomana waŋgu unoɗikanwa here? Ndiye mŋana unondifadza here? Nokuti ŋguʋa dzose kana ndicimutuka, ndinoramba ndicimuraŋgarira kwaɀo; naiɀoɀo mŋoyo waŋgu unomucemera; ɀirokwaɀo, ndicamunzwira nyasha — ndiɀo ɀinotaura Jehova.
21Ɀimisirei shoŋgwe dzenzira, ɀiitirei ɀani; rerekerai mŋoyo yenyu kunzira huru, iyo nzira yamakafamba nayo; dzoka ɀe, mhandara yaIsraeri, dzokera ɀe kumaguta ako awa. 22Ucaramba ucifambiro’mo kuȿikira riniko, iwe mukunda wokudzokera shure? Nokuti Jehova wakasika cinhu citȿa panyika, cokuti mukadzi ucambundikira murume.
23Ɀanzi naJehova wehondo, Mŋari waIsraeri: Ʋacataura ɀe shoko iri munyika yaJuda nomumaguta ayo, kana ndicidzosa ɀe kutapxa kwaʋo, ʋaciti: Jehova ŋgaakuropafadze, iwe ʋugaro bgokururama, iwe gomo roʋutȿene. 24Juda namaguta aʋo ose ʋacagara’mo pamŋe cete, ʋarimi naʋanofamba namapoka aʋo. 25Nokuti ndakagutsa mŋeya wakaneta, nomŋeya mumŋe nomumŋe, unokusuwa, ndakausimbisa. 26Ipapo ndakamuka, ndikaʋona; hope dzaŋgu dzikandizipira. 27Ɀanzi naJehova: Tarirai, mazuʋa anoʋuya, andicadɀara paimba yaIsraeri napaimba yaJuda mbeu dzaʋanhu nembeu dzeɀipfuwo. 28Ɀino seɀandakaʋarindira, ndicidzura nokukoromora nokuwisira pasi nokuparadza nokutambudza, saiɀoɀo ndicaʋarindira ndiʋake nokusima — ndiɀo ɀinotaura Jehova. 29Namazuʋa awo haʋaŋgazoti: Madziɓaɓa akadya mazambiriŋga anoʋaʋa, meno aʋana ndokubgadzira. 30Asi mumŋe nomumŋe ucafira ɀakaipa ɀake; mumŋe nomumŋe, unodya mazambiriŋga anoʋaʋa, meno ake acabgadzira.
31Tarirai, mazuʋa anoʋuya — ndiɀo ɀinotaura Jehova — andicaita suŋgano itȿa neimba yaIsraeri, ʋuye neimba yaJuda. 32Haiŋgafanani nesuŋgano yandakaita namadziɓaɓa aʋo namazuʋa andakaʋaɓata ruʋoko ndikaʋaɓuɗisa munyika yeEgipita, ʋakaputsa suŋgano yaŋgu iyo, kunyaŋge ndakaŋga ndiri murume kwaʋari — ndiɀo ɀinotaura Jehova. 33Asi heyi suŋgano yandicaita neimba yaIsraeri shure kwamazuʋa iwayo — ndiɀo ɀinotaura Jehova: Ndicaisa murairo waŋgu mukati maʋo, ndicaunyora pamŋoyo yaʋo; ini ndicaʋa Mŋari waʋo, iʋo ʋacaʋa ʋanhu ʋaŋgu. 34Haʋaŋgazodzidzisani, mumŋe nomumŋe nowokwake, mumŋe nomumŋe nehama yake, aciti: Ziʋa Jehova; nokuti ʋacandiziʋa ʋose, kubva kuʋaɗuku pakati paʋo kuȿikira kuʋakuru pakati paʋo — ndiɀo ɀinotaura Jehova; nokuti ndicakaŋganwira kuipa kwaʋo, neɀiʋi ɀaʋo handiŋgazoɀiraŋgariri. 35Ɀanzi naJehova, iye unopa zuʋa riʋe ciedza masikati, nemirairo yomŋedzi neyenyeredzi ɀiʋe ciedza ʋusiku, iye unomutsa guŋgwa, kuti mafuŋgu aro atinhire, Jehova wehondo ndiro zita rake: 36Kana mirairo iyi ikabva pamberi paŋgu — ndiɀo ɀinotaura Jehova — ipapo ʋana ʋaIsraeri ʋo ʋaŋgaguma ʋo kuʋa rudzi pamberi paŋgu nokusiŋgaperi. 37Ɀanzi naJehova: Kana ɗeŋga kumsoro ricibvira kuyerwa, nenheyo dzenyika pasi dzicibvira kunɀerwa, ipapo neni ʋo ndicarasha ʋana ʋose ʋaIsraeri nokuɗa kweɀose ɀaʋakaita — ndiɀo ɀinotaura Jehova. 38Tarirai, mazuʋa anoʋuya — ndiɀo ɀinotaura Jehova — acaʋakirwa Jehova guta kubva pashoŋgwe yaHananeri kuȿikira kusuʋo rekona. 39Ʋuye rwonzi rwokuyera narwo rucapfuʋura ruciruramira kucikomo ceGarebi, ndokudzoka kuȿikira paGoa. 40Mupata wose weɀitunha nowamaɗota, neminda yose kuȿikira kurukoʋa Kidroni, kuȿikira kukona resuʋo ramabiza kurutiʋi rwamabvazuʋa, ɀicaʋa ɀitȿene kunaJehova; haɀiŋgazodzurwi, kana kuparadzwa nokusiŋgaperi.
Zvasarudzwa nguva ino
Jeremia 31: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018