Jeremia 32
32
Jeremia unosuŋgwa mutoroŋgo; unorairwa kuteŋga munda.
1Shoko rakaʋuya kunaJeremia ricibva kunaJehova negore regumi raZedekia mambo waJuda, riri gore regumi namasere raNebukadrezari. 2Ɀino neŋguʋa iyo mambo wehondo yeBabironi wakaŋga akakomberedza Jerusarema; asi muprofita Jeremia wakaŋga akapfigirwa muruʋazhe rwaʋarindi, rwakaŋga ruri mumba mamambo waJuda. 3Nokuti Zedekia mambo waJuda wakaŋga amupfigira, aciti: Unoprofitereiko uciti: Ɀanzi naJehova: Tarirai, ndicaisa guta rino muruʋoko rwamambo weBabironi, iye ucarikunda; 4Zedekia mambo waJuda haaŋgapukunyuki pamaʋoko aʋaKardea, asi ucaiswa ɀirokwaɀo muruʋoko rwamambo weBabironi, ʋacataurirana nemiromo yaʋo, nokuʋonana nameso aʋo; 5iye ucandoisa Zedekia Babironi, agare’ko kuȿikira ndicimushanyira — ndiɀo ɀinotaura Jehova; kunyaŋge mukarwa naʋaKardea hamuŋgakundi?
6Jeremia akati: Shoko raJehova rakaʋuya kwandiri, riciti: 7Tarira, Hanameri mŋanakomana waSharumi, sekuru ʋako, ucaʋuya kwauri, aciti: Ɀiteŋgere munda waŋgu uri paAnatoti, nokuti ndiwe unesimba rokuudzikinura nokuuteŋga. 8Naiɀoɀo Hanameri mŋanakomana wasekuru ʋaŋgu wakaʋuya kwandiri muruʋazhe rwaʋarindi, seɀakarebga neshoko raJehova, akati kwandiri: Ƌonditeŋgera hako munda waŋgu uri paAnatoti, riri munyika yaBenjamini, nokuti ndiwe unesimba rokugara nhaka, ndiwe unofanira kudzikinura; ciɀiteŋgera iwo. Ipapo ndakaziʋa kuti ishoko raJehova. 9Ndikateŋga munda wakaŋga uri paAnatoti kunaHanameri mŋanakomana wasekuru ʋaŋgu, ndikamuyerera mari, mashekeri esirveri anegumi namanomŋe.#32:9 Mari ineŋge pondo mbiri necishanu. 10Ndikanyora rugwaro rwokuteŋga, ndikarunamatidza, ndikaɗana ɀapupu, ndikamuyerera mari paciyero. 11Ipapo ndikatora rugwaro rwokuteŋga, irwo rwakaŋga rwakanamatidzwa, seɀakarebga nomurairo netsika, norumŋe rwakaŋga rwakashama, 12ndikapa Baruki mŋanakomana waNeria, mŋanakomana waMaseia, rugwaro rwokuteŋga, Hanameri mŋanakomana wasekuru ʋaŋgu ari’po, neɀapupu ɀakaŋga ɀasimbisa rugwaro rwokuteŋga ɀiri’po, naʋaJuda ʋose ʋakaŋga ʋagere muruʋazhe rwaʋarindi ʋari’po. 13Ndikaraira Baruki pamberi paʋo, ndiciti: 14Ɀanzi naJehova wehondo, Mŋari waIsraeri: Tora magwaro awa okuteŋga, rugwaro urwu rwokuteŋga rwakanamatidzwa, norugwaro urwu rwakashama, uɀiise mumudziyo wevu, ɀigare’mo mazuʋa mazhinji. 15Nokuti ɀanzi naJehova wehondo, Mŋari waIsraeri: Dzimba neminda neminda yemizambiriŋga ɀicazoteŋgwa ɀe munyika ino.
16Ɀino ndakati ndapa Baruki mŋanakomana waNeria rugwaro rwokuteŋga, ndikanyeŋgetera kunaJehova, ndiciti: 17Haiwa, Ishe Jehova! Tarirai, imi makaita ɗeŋga rose napasi nesimba renyu guru noruʋoko rwenyu rwakatambanudzwa, hakunecinhu ciŋgakukonai imi; 18imi, munonzwira tsitsi ʋaneɀuru ɀamazana, nokutsiʋa ɀakaipa ɀamadziɓaɓa mucifuʋa caʋana ʋaʋo ʋanoʋateʋera, iye mukuru, Mŋari unesimba, Jehova wehondo, ndiro zita rake; 19wakakura panjere, unesimba pakuɓata, meso ake anoȿinurira nzira dzose dzaʋana ʋaʋanhu, kuti ape mumŋe nomumŋe seɀaakaɓata, neɀakafanira ɀiɓereko ɀamaɓasa ake; 20iye, wakaisa ɀiratidzo neɀishamiso panyika yeEgipita kuȿikira pazuʋa ranhasi, pakati paIsraeri napakati paʋamŋe ʋanhu; mukaɀiitira mbiri seɀaɀakaita nezuʋa ranhasi; 21mukaɓuɗisa ʋanhu ʋenyu ʋaIsraeri panyika yeEgipita, neɀiratidzo neɀishamiso necanza cinesimba, noruʋoko rwakatambanudzwa, ʋuye nokutyisa kukuru; 22mukaʋapa nyika ino, yamakapikira madziɓaɓa aʋo kuti mucaʋapa, iri nyika inoyerera mukaka noʋuci; 23ʋakapinda, ʋakaiita yaʋo; asi haʋana‐kuterera inzwi renyu, kana kufamba nemirairo yenyu; haʋana‐kutoŋgoita cinhu cimŋe ceɀose ɀamakaʋaraira kuti ʋaɀiite; naiɀoɀo makaʋuyisa iɀi ɀose pamsoro paʋo. 24Tarirai, mirwi yokurwa yaȿika paguta kuti ʋarikunde; guta raiswa mumaʋoko aʋaKardea ʋanorwa naro, nokuɗa kwomunondo nenzara nehosha yakaipa; ɀamakataura ɀaitika, tarirai, munoɀiʋona. 25Ɀino imi Ishe Jehova, makati kwandiri: Ciɀiteŋgera munda nemari, uɗane ɀapupu, kunyaŋge ɀakaɗaro guta raiswa mumaʋoko aʋaKardea.
ƲaIsraeri ʋacatapxa, asi ʋacadzoswa ɀe.
26Ipapo shoko raJehova rakaȿika kunaJeremia, riciti: 27Tarira, ndini Jehova, Mŋari wenyama yose, kunecinhu ciŋgandikona here?
28Naiɀoɀo ɀanzi naJehova: Tarira, ndicaisa guta rino mumaʋoko aʋaKardea, nomumaʋoko aNebukadrezari mambo weBabironi, iye ucarikunda; 29ƲaKardea, ʋanorwa neguta rino, ʋacaʋuya ʋacituŋgidza guta rino, ʋaciripisira, pamŋe cete nedzimba dzaʋakaɓayira pamateŋga adzo ɀinonhuwira kunaBaari, nokuɗururira ʋamŋe ʋamŋari ɀipiriso ɀinoɗururwa, kuti ʋanditsamŋise. 30Nokuti ʋana ʋaIsraeri naʋana ʋaJuda ʋaiŋgoita ɀakaipa ɀoga pamberi paŋgu kubva paʋuɗuku bgaʋo; nokuti ʋana ʋaIsraeri ʋakaŋgonditsamŋisa ɓedzi namaɓasa amaʋoko aʋo — ndiɀo ɀinotaura Jehova. 31Nokuti guta rino rakamutsa kutsamŋa kwaŋgu nehasha dzaŋgu kubva pazuʋa raʋakariʋaka kuȿikira zuʋa ranhasi, kuti ndiribvise pamberi paŋgu, 32nokuɗa kweɀakaipa ɀose ɀaʋana ʋaIsraeri naʋana ʋaJuda, ɀaʋakaita ʋacinditsamŋisa, iʋo namadzimambo aʋo, namacinda aʋo, naʋaprista ʋaʋo, naʋaprofita ʋaʋo, naʋanhu ʋaJuda, naʋagere Jerusarema. 33Ʋakandifuratira, haʋana‐kunditarira neɀiso ɀaʋo; kunyaŋge ndaiʋadzidzisa, ndicimuka maŋgwanani ndiciʋadzidzisa, asi haʋana‐kuterera nokutenda kuraŋgwa. 34Asi ʋakaisa ɀinonyaŋgadza ɀaʋo muimba yakatumidzwa zita raŋgu, kuti ʋaiȿiɓise. 35Ʋakaʋaka mitunhu yaBaari, iri mumupata womŋanakomana waHinomi, kuti ʋapinzire Moreki ʋanakomana ʋaʋo naʋanasikana ʋaʋo mumŋoto, cinhu candisina‐kuʋaraira, kana candisina‐kufuŋga mumŋoyo maŋgu, kuti ʋaite cinhu ici cinonyaŋgadza, ʋacitadzisa Juda.
36Naiɀoɀo ɀanzi naJehova Mŋari waIsraeri pamsoro peguta rino, ramunoti rakaiswa muruʋoko rwamambo weBabironi nomunondo, nenzara ʋuye nehosha yakaipa: 37Tarirai, ndicaʋaʋuŋganidza kunyika dzose kwandakaŋga ndaʋadziŋgira nokutsamŋa kwaŋgu nehasha dzaŋgu, ʋuye neshuŋgu dzaŋgu huru, ndicaʋadzosera ɀe kunɀimbo ino, nokuʋagarisa ʋakaceŋgetwa. 38Iʋo ʋacaʋa ʋanhu ʋaŋgu, neni ndicaʋa Mŋari waʋo. 39Ndicaʋapa mŋoyo mumŋe nenzira imŋe, kuti ʋanditye nokusiŋgaperi, ʋaitirwe ɀakanaka iʋo, naʋana ʋaʋo ʋanoʋateʋera. 40Ndicaita naʋo suŋgano isiŋgaperi, handiŋgadzoki pakuʋateʋera kuti ndiʋaitire ɀakanaka; ndicaisa kutya mumŋoyo yaʋo kuti ʋanditye, kuti ʋarege kuzotsauka kwandiri. 41Ɀirokwaɀo, ndicaʋafarira kuti ndiʋaitire ɀakanaka, ndicaʋasima ɀirokwaɀo munyika ino nomŋoyo waŋgu wose ʋuye nomŋeya waŋgu wose. 42Nokuti ɀanzi naJehova: Seɀandakaʋuyisa ɀakaipa iɀi ɀikuru ɀose pamsoro paʋanhu aʋa, saiɀoɀo ʋo ndicaʋuyisa pamsoro paʋo ɀakanaka ɀose ɀandakaʋapikira. 43Minda icateŋgwa munyika ino yamunoti iɗoŋgo, hainaʋanhu kana ɀipfuwo, yaiswa mumaʋoko aʋaKardea. 44Ʋanhu ʋacateŋga minda nemari, nokunyora magwaro okuteŋga, nokuanamatidza, nokuɗana ɀapupu, panyika yaBenjamini, napanɀimbo dzakapoteredza Jerusarema, nomumaguta aJuda, nomumaguta enyika yamakomo, nomumaguta amapani, nomumaguta orutiʋi rwezasi; nokuti ndicadzosa kutapxa kwaʋo — ndiɀo ɀinotaura Jehova.
Zvasarudzwa nguva ino
Jeremia 32: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018