Ezekieri 18
18
Jehova ucatoŋgera mumŋe nomumŋe seɀaakafanira.
1Ɀino shoko raJehova rakaȿika ɀe kwandiri, riciti: 2Ndokuɗiniko kana muciɓata neshumo iyi panyika yaIsraeri, muciti: Madziɓaɓa akadya mazambiriŋga anoʋaʋa, meno aʋana ndokubgadzira? 3Noʋupenyu bgaŋgu — ndiɀo ɀinotaura Ishe Jehova — hamuŋgagoni kuzoɓata neshumo iyi pakati paIsraeri. 4Tarirai, mŋeya yose ndeyaŋgu; mŋeya waɓaɓa ndowaŋgu, saiɀoɀo nomŋeya womŋanakomana ʋo; mŋeya unotadza, ucafa. 5Asi kana munhu aciŋge akarurama, aciita ɀomurairo neɀakarurama, 6asinokudya pamakomo, kana kutarira nameso ake kuɀifananidzo ɀeimba yaIsraeri, kana kucinyira mukadzi wowokwake, kana kusweɗera kumukadzi uri kumŋedzi kwake, 7usino‐kuitira ʋamŋe ɀakaipa, wakadzosera ruɓatso rwake kunowakadya cikwerete, usino‐kutora cinhu acipamba, wakapa ʋanenzara ɀokudya ɀake, akafukidza wakashama neŋguʋo; 8usino‐kuita mhindu, kana kutora mhindu yemicero, wakadzora ruʋoko rwake paɀakaipa, akaruramisa kwaɀo pamhaka yomunhu nehama yake, 9wakafamba nemitemo yaŋgu, akaceŋgeta ɀandakaraira, kuti aite ɀamaɀokwaɗi; iye wakarurama, ɀirokwaɀo ucararama — ndiɀo ɀinotaura Ishe Jehova. 10Kana iye akaɓereka mŋanakomana riri gororo, kana muteʋuri weropa, kana unoita cinhu cimŋe ceɀinhu iɀi, 11usiŋgaiti cinhu cimŋe caiɀoɀo ɀakanaka, akadya pamakomo, akacinyira mukadzi wowokwake, 12wakaitira ʋarombo naʋanoshaiwa ɀakaipa, wakatora acipamba, usino‐kudzosera ruɓatso, wakatarira ɀifananidzo nameso ake, wakaita ɀinonyaŋgadza, 13wakaita mhindu, kana kutora mhindu yemicero; ko iye ucararama here? Haaŋgararami. Wakaita iɀi ɀose ɀinonyaŋgadza, ɀirokwaɀo ucafa; ropa rake ricaʋa pamsoro pake. 14Ɀino, tarira, kana akaɓereka mŋanakomana, unoʋona ɀiʋi ɀose ɀaɓaɓa ʋake, ɀaʋakaita, akaɀiʋona hake, akasaita ɀakaɗai; 15usino‐kudya pamakomo, kana kutarira nameso ake ɀifananidzo ɀeimba yaIsraeri, kana kucinyira mukadzi wowokwake, 16usino‐kuitira ʋamŋe ɀakaipa, usino‐kutora cinhu acireʋa ruɓatso, usino‐kutora cinhu acipamba, asi wakapa ʋanenzara ɀokudya ɀake, nokufukidza wakashama necokufuka; 17wakadzora ruʋoko rwake pakuitira ʋarombo ɀakaipa, usino‐kutora mhindu kana mhindu yemicero, wakaita ɀandakaraira, nokufamba nemitemo yaŋgu; iye haaŋgafi nokuɗa kweɀakaipa ɀaɓaɓa ʋake, ɀirokwaɀo ucararama. 18Kana ʋari ɓaɓa ʋake, ɀaakamanikidza ɀikuru, nokupamba ɀinhu ɀomunuŋuna wake, akaita ɀisino‐kunaka pakati paʋanhu ʋake, tarirai, iye ucafa nokuɗa kweɀakaipa ɀake. 19Asi imi munoti: Mŋanakomana unoregereiko kuʋa nemhoȿa yeɀakaipa ɀaɓaɓa ʋake? Kana mŋanakomana aciŋge aita ɀinorebga nomurairo neɀakarurama, akaceŋgeta mitemo yaŋgu yose, akaiita, ɀirokwaɀo ucararama. 20Mŋeya unotadza, ndiwo ucafa; mŋanakomana haaŋgaʋi nemhoȿa yeɀakaipa ɀaɓaɓa ʋake, naɓaɓa haʋaŋgaʋi nemhoȿa yeɀakaipa ɀomŋanakomana waʋo; kururama kwowakarurama kucaʋa pamsoro pake, nokuipa kwowakaipa kucaʋa pamsoro pake. 21Asi kana wakaipa akatendeʋuka paɀiʋi ɀake ɀose ɀaakaita, akaceŋgeta mitemo yaŋgu yose, akaita ɀinorebga nomurairo neɀakarurama, ɀirokwaɀo ucararama, haaŋgafi. 22Kuɗarika kwake kwose kwaakaita hakuŋgaraŋgarirwi pamsoro pake; ucararama nokuɗa kweɀakarurama ɀaakaita. 23Ko ini ndiŋgatoŋgofarira rufu rwowakaipa here? — ndiɀo ɀinotaura Ishe Jehova; handizinofarira kudzoka kwake panzira yake, ararame here? 24Asi kana wakarurama akatsauka pakururama kwake, akaita ɀakaipa, akaita ɀinonyaŋgadza ɀose ɀinoitwa nomunhu wakaipa, ko uŋgararama here? Maɓasa ake akarurama aakaita haaŋgatoŋgoraŋgarirwi; nokuɗa kwokuɗarika kwake, kwaakaɗarika nako, neɀiʋi ɀake ɀaakaita, ucafa nokuɗa kwaɀo. 25Asi imi munoti: Nzira yaShe haina‐kururama. Ɀino cinzwai, imi imba yaʋaIsraeri: Nzira yaŋgu haina‐kururama here? Ko nzira dzenyu hadzizi idzo dzisino‐kururama here? 26Kana munhu wakarurama akatsauka pakururama kwake, akaita ɀakaipa, akafa nokuɗa kwaɀo; ucafa nokuɗa kweɀakaipa ɀaakaita. 27Ʋuye ɀe, kana munhu wakaipa akatsauka paɀakaipa ɀake ɀaakaita, akazoita ɀinorebga nomurairo neɀakarurama, ucaponesa mŋeya wake. 28Ɀaakaraŋgarira, akatsauka pakuɗarika kwake kwose kwaakaita, ɀirokwaɀo ucararama, haaŋgafi. 29Kunyaŋge ɀakaɗaro, imba yaIsraeri inoti: Nzira yaShe haina‐kururama. Nhai, imba yaIsraeri, nzira dzaŋgu hadzina‐kururama here? Hadzizi nzira dzenyu dzisakarurama here? 30Naiɀoɀo ndicakutoŋgai, imi imba yaIsraeri, mumŋe nomumŋe ɀakafanira nzira dzake — ndiɀo ɀinotaura Ishe Jehova. Dzokai, mutendeʋuke pakuɗarika kwenyu kwose; kuti cirege kuʋa cigumbuso ceɀakaipa kwamuri. 31Rashai kure nemi kuɗarika kwenyu kwose, kwamakaɗarika nako, muɀiitire mŋoyo mitȿa nemŋeya mitȿa; nokuti mucafireiko, imi imba yaIsraeri? 32Nokuti handifariri rufu rwounofa — ndiɀo ɀinotaura Ishe Jehova; naiɀoɀo tendeʋukai, murarame.
Zvasarudzwa nguva ino
Ezekieri 18: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018