Deuteronomio 28
28
Kutukwa nokuropafadzwa.
1Ɀino kana uciterera ɀakanaka inzwi raJehova Mŋari wako, nokucenjera kuita mirairo yake yose, yandinokuraira nhasi, Jehova Mŋari wako ucakukurisa kupfuʋura ndudzi dzose dziri panyika. 2Kuropafadzwa uku kwose kucaitika kwauri, ucateʋererwa nako, kana uciterera inzwi raJehova Mŋari wako. 3Ucaropafadzwa muguta, ucaropafadzwa mumunda. 4Ɀiɓereko ɀomuʋiri wako, neɀiɓereko ɀevu rako, neɀiɓereko ɀeŋombe dzako, neɀiɓereko ɀemhou dzako, namakwaiana amakwai ako, ɀicaropafadzwa. 5Ƌeŋgu rako, nomudziyo wako wokukanyira ciŋgwa, ɀicaropafadzwa. 6Ucaropafadzwa kana ucipinda, ucaropafadzwa kana uciɓuɗa. 7Jehova ucakukundisa ʋaʋeŋgi ʋako, ʋanokumukira, pamberi pako; ʋacaʋuya kuzorwa newe nenzira imŋe, ʋacatiza pamberi pako nenzira nomŋe. 8Jehova ucaraira kuti uropafadzwe pamatura ako, napaɀose ɀaunoɓata namaʋoko ako; ucakuropafadza panyika yaunopiwa naJehova Mŋari wako. 9Jehova ucakusimbisa, kuti uʋe rudzi rwake rutȿene, seɀaakakupikira; kana uciceŋgeta mirairo yaJehova Mŋari wako, nokufamba munzira dzake. 10Ʋanhu ʋose ʋenyika ʋacaʋona kuti iwe wakatumidzwa nezita raJehova; ʋacakutya. 11Jehova ucakuwanzira mufaro paɀiɓereko ɀomuʋiri wako, napaɀiɓereko ɀeŋombe dzako, napaɀiɓereko ɀevu rako, panyika yakapikirwa madziɓaɓa ako naJehova, kuti ucakupa iyo. 12Jehova ucakuzarurira fuma yake yakanaka yokuɗeŋga, akupe mvura yenyika yako neŋguʋa yayo; nokuropafadza maɓasa ose amaʋoko ako; iwe ucapa ndudzi zhinji cikwerete, asi iwe umene hauŋgatori cikwerete. 13Jehova ucakuita musoro, haaŋgakuiti muswe; ucaʋa kumsoro ɓedzi, hauŋgaʋi pasi; kana uciterera mirairo yaJehova Mŋari wako, yandinokuraira nhasi, ucishiŋgaira kuiita; 14usiŋgatsauki panerimŋe ramashoko andinokuraira, kurudyi kana kuruɓoshwe, uciteʋera ʋamŋe ʋamŋari kuti uʋashumire.
15Asi kana uciramba kuterera inzwi raJehova Mŋari wako kuti ucenjere kuita mirairo yake yose, neɀaakatema, ɀandinokuraira nhasi; kutukwa uku kwose kucaitika kwauri, ucateʋererwa nako. 16Ucatukwa muguta, ucatukwa mumunda. 17Ƌeŋgu rako ricatukwa, nomudziyo wako wokukanyira ciŋgwa. 18Ɀiɓereko ɀomuʋiri wako ɀicatukwa, neɀiɓereko ɀevu rako, neɀiɓereko ɀemhou dzako, namakwaiana amakwai ako. 19Ucatukwa kana ucipinda, ucatukwa kana uciɓuɗa. 20Jehova ucatuma pamsoro pako kutukwa, nokunyoŋganiswa, nokuraŋgwa, paɀose ɀaunoɓata namaʋoko ako, kuȿikira waparadzwa, ʋuye kuȿikira wakurumidza kupera, nokuɗa kweɀakaipa ɀaunoita, ɀawakandisiya naɀo. 21Jehova ucakunamatidza ɗenda, kuȿikira akupedza kunyika kwaunoenda, kuti iʋe yako. 22Jehova ucakuroʋa norukosoro, nefiviri, nokupisa kwomuʋiri, nokuʋaʋiswa kwaɀo, ʋuye nokushaiwa mvura, nenyunje, nokuvuva; iɀo ɀicakuteʋerera kuȿikira waparadzwa. 23Ƌeŋga rako riri pamsoro pako ricaita sendarira, nenyika iri pasi pako seɗare. 24Jehova ucashandura mvura yenyika yako iʋe ɓukuta neguruʋa; ɀicaɓurukira pamsoro pako ɀicibva kuɗeŋga, kuȿikira waparadzwa. 25Jehova ucatendera kuti ukundwe naʋaʋeŋgi ʋako; ucaɓuɗa kundorwa naʋo nenzira imŋe, ucatiza pamberi paʋo nenzira nomŋe; ucaʋa cinhu cinotyisa pakati poʋushe bgose bgenyika. 26Ɀitunha ɀako ɀicaʋa ɀokudya ɀeshiri dzose dzokuɗeŋga neɀikara ɀenyika, kusinomunhu unoɀidziŋga. 27Jehova ucakuroʋa namamota eEgipita, namaronda, nemhizi, nokufunuka, ɀicaramba kupora. 28Jehova ucakuroʋa nokupeŋga, noʋupofu, ʋuye nokukaŋganiswa kwomŋoyo; 29ucatȿaŋgadzira masikati, seɓofu rinotȿaŋgadzira murima, hauŋgafari panzira dzako; ucaremedzwa nokuɓirwa ŋguʋa dzose, hakuŋgaʋi nomunhu unokurwira. 30Ucanyeŋga mukadzi, asi mumŋe murume ucaʋata naye; ucaʋaka dzimba, asi hauŋgagari’mo; ucarima munda wemizambiriŋga, asi hauŋgaŋgadyi micero yayo. 31Ŋombe yako icaɓayiwa uciɀiʋona, asi hauŋgaidyi; mboŋgoro yako icatorwa nesimba uciɀiʋona, asi haiŋgadzoserwi kwauri; makwai ako acapiwa ʋaʋeŋgi ʋako, hauŋgawani unokurwira. 32Ʋanakomana ʋako naʋanasikana ʋako ʋacapiwa rumŋe rudzi; meso ako acatarira, ukaneta kuʋashuʋa zuʋa rose; asi ucashaiwa simba paruʋoko rwako. 33Ɀiɓereko ɀevu rako, neɀamaɓasa ako, ɀicadyiwa norudzi rwausiŋgaziʋi; ucaŋgoremedzwa nokutambudzwa ŋguʋa dzose. 34Ucapeŋgeswa neɀaucaʋona nameso ako. 35Jehova ucakuroʋa pamabvi ako, napamakumbo ako, namamota anorwadza, acaramba kupora, kubva parutsoka kuȿikira pamsoro pomusoro wako. 36Jehova ucakuisa iwe namambo wako waucaɀitsaurira kurudzi rwawakaŋga usiŋgaziʋi iwe namadziɓaɓa ako; ɀino ucandoshumira’po ʋamŋe ʋamŋari ʋamatanda namabge. 37Iwe ucaitwa cishamiso, neshumo, neciseko, pakati paʋanhu ʋose kwaucandoiswa naJehova. 38Ucatakurira mbeu zhinji kumunda, asi ucaʋuŋganidza ɀishoma; nokuti ɀicapedzwa nemhashu. 39Ucarima minda yemizambiriŋga nokuigadzira, asi hauŋganwi waini yayo, kana kutanha mazambiriŋga; nokuti acadyiwa namakonye. 40Ucaʋa nemiti yemiorivi panyika yako yose, asi hauŋgazori mafuta ayo, nokuti miorivi yako icazuka. 41Ucaɓereka ʋanakomana naʋanasikana, asi haʋaŋgaʋi ʋako, nokuti ʋacatapxa. 42Miti yako yose neɀiɓereko ɀevu rako ɀicadyiwa nemhashu. 43Mutorwa ugere pakati pako ucaramba acikwirira kupfuʋura iwe; iwe ucaramba uciɗerera. 44Iye ucakupa cikwerete, asi iwe hauŋgamupi cikwerete; iye ucaʋa musoro, iwe ucaʋa muswe. 45Kutukwa uku kwose kucaitika kwauri, nokukuteʋera, nokukuɓata, kuȿikira waparadzwa; nokuti hauna‐kuterera inzwi raJehova Mŋari wako, nokuceŋgeta mirairo yake naɀaakatema, ɀaakakuraira. 46Ɀicaʋa pamsoro pako napamsoro paʋana ʋako, ɀiʋe ɀiratidzo neɀishamiso nokusiŋgaperi; 47nokuti hauna‐kushumira Jehova Mŋari wako nomufaro, nomŋoyo unofara, nokuɗa kwokuwanda kweɀose. 48Naiɀoɀo ucafanira kuɓatira ʋaʋeŋgi ʋako, ʋaucatumirwa naJehova kuti urwe naʋo, ucinzwa nzara, nenyota, ucishaiwa ɀokufuka neɀose iɀi; iye ucaisa joko reɗare pamutsipa wako, kuȿikira akuparadza. 49Jehova ucaʋuyisa rudzi runobva kure kuzorwa newe, runobva kumagumisiro enyika, segondo rinobururuka, rudzi rwausiŋganzwisisi rurimi rwarwo; 50rudzi runehasha, rusiŋgaraŋgariri ʋatana, kana kunzwira majaya tsitsi. 51Ʋacadya ɀiɓereko ɀeŋombe dzako, neɀiɓereko ɀevu rako, kuȿikira waparadzwa; haʋaŋgakusiyiri ɀiyo, kana waini, kana mafuta, kana ɀakaɓerekwa nemhou dzako, kana makwaiana amakwai ako, kuȿikira waparadzwa naʋo. 52Ʋacakukomba pamasuʋo ako ose, kuȿikira maȿiŋgo ako marefu anesimba awa ose, awakatenda munyika yako yose; ʋacakukomba pamasuʋo ako ose panyika yako yose, yawakapiwa naJehova Mŋari wako. 53Ucadya ɀiɓereko ɀomuʋiri wako, nyama yaʋanakomana ʋako naʋanasikana ʋako, ʋawakapiwa naJehova Mŋari wako, kana wokombga nokumanikidzwa naʋaʋeŋgi ʋako. 54Murume unoʋundere nounoʋuneŋgwe kwaɀo pakati pako ucaʋa nomufuŋgo wakaipa kuhama yake, nokumukadzi wake waanoɗa, nokuʋana ʋake ʋaaneŋge asarirwa naʋo; 55haaŋgapi mumŋe waʋo nyama yaʋana ʋake ʋaacadya, nokuti iye haaŋgaʋi necaakasarirwa naco, kana wokombga nokumanikidzwa naʋaʋeŋgi ʋako pamasuʋo ako ose. 56Mukadzi unoʋundere nounoʋuneŋgwe pakati pako, wakaŋga asiŋgaɗi kutsika pasi norutsoka rwake nokuɗa kwoʋuneŋgwe bgake noʋundere bgake, ucaʋa nomufuŋgo wakaipa kumurume wake waanoɗa, nomŋanakomana wake, nomŋanasikana wake; 57nokumŋana wake muɗuku, waacaŋgoɓereka, nokuʋana ʋake ʋaacazoɓereka; nokuti ucadya pakaʋanda nokuɗa kwokushaiwa ɀinhu ɀose, kana wokombga nokumanikidzwa naʋaʋeŋgi ʋako pamasuʋo ako. 58Kana usiŋgacenjeri kuita mashoko ose omurairo uyu, akanyorwa mubuku iyi, kuti utye zita iri rinobginya nerinotyisa, rinoti: JEHOVA MŊARI WAKO; 59Jehova ucakuroʋa iwe naʋana ʋako namadambudziko anoshamisa, maɗambudziko makuru, asiŋgakurumidzi kupera, namatenda akaipa, asiŋgakurumidzi kupera. 60Ucaʋuyisa ɀe pamsoro pako hosha dzose dzeEgipita, dzawakaŋga ucitya, kuti dzikunamatire. 61Namatenda ose, namaɗambudziko ose, asina‐kunyorwa mubuku yomurairo uyu, ndiwo acaʋuyiswa naJehova pamsoro pako, kuȿikira waparadzwa. 62Mucasara maʋa ʋashoma, kunyaŋge makaŋga muri ʋazhinji senyeredzi dzokuɗeŋga; nokuti hauna‐kuterera inzwi raJehova Mŋari wako. 63Ɀino Jehova seɀaakaŋga acikufarirai aciɗa kukuitirai ɀakanaka, nokukuwanzai, saiɀoɀo Jehova ucafara pamsoro penyu kukupedzai nokukuparadzai; mucadzurwa kunyika kwaunoenda, kuti iʋe yako. 64Jehova ucakurashanya pakati pendudzi dzose, kubva pamugumo mumŋe wenyika kuȿikira kunomumŋe mugumo; ipapo ucandoshumira ʋamŋe ʋamŋari ʋawakaŋga usiŋgaziʋi, iwe namadziɓaɓa ako, ʋamŋari ʋamatanda naʋamabge. 65Pakati pendudzi idzo hauŋgawani zororo, netsoka dzako hadziŋgawani pokuzorora; asi Jehova ucakupa ipapo mŋoyo unoɗeɗera, nameso anoneta, nomŋeya unowonda; 66ʋupenyu bgako bgucarembera pamberi pako, ucatya ʋusiku namasikati, hauŋgaziʋi kana ucararama; 67maŋgwanani ucati: Ƌai aiʋa maɗekwana! Maɗekwana ucati: Ƌai aiʋa maŋgwanani! nokutya kwomŋoyo wako, kwaucatya nako, ʋuye nokuɗa kweɀaucaʋona nameso ako. 68Jehova ucakuisa ɀe Egipita neɀikepe nenzira yandakati kwauri: Haucazoiʋoni ɀe; ipapo mucandoɀiteŋgesa kuʋaʋeŋgi ʋenyu, kuti muʋe ʋaranda naʋarandakadzi, asi hakuŋgaʋi nomunhu ucakuteŋgai.
Zvasarudzwa nguva ino
Deuteronomio 28: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018