II Makoronike 36
36
Jehoahazi, naJehoyakimi, naJehoyakini madzimambo aJuda.
1Ipapo ʋanhu ʋenyika iyo ʋakatora Jehoahazi mŋanakomana waJosia, ʋakamuita mambo panɀimbo yaɓaɓa ʋake paJerusarema. 2Joahazi wakataŋga kuɓata ʋushe aʋa namakore anamakumi maʋiri namatatu, akaɓata ʋushe paJerusarema mŋedzi mitatu. 3Mambo weEgipita akamubvisa paʋushe paJerusarema, akaripisa nyika matarenta esirveri anezana,#36:3 Mari ineŋge £40,000. netarenta rimŋe rendarama.#36:3 Mari ineŋge £5,460. 4Mambo weEgipita akagadza Eriyakimi munuŋuna wake aʋe mambo waJuda neJerusarema, akashandura zita rake, rikazoʋa Jehoyakimi. Neko akatora munuŋuna wake Joahazi, akaenda naye Egipita.
5Jehoyakimi wakataŋga kuɓata ʋushe aʋa namakore anamakumi maʋiri namashanu; akaɓata ʋushe paJerusarema makore anegumi nerimŋe; akaita ɀakaipa pamberi paJehova Mŋari wake. 6Ɀino Nebukadnezari mambo weBabironi akaȿika kuzorwa naye, akamusuŋga namaketani, kundomuisa Babironi. 7Nebukadnezari akaenda ʋo nedzimŋe nhumbi dzeimba yaJehova akadziisa Babironi, akadziisa mutembere yake paBabironi. 8Ɀino mamŋe maɓasa aJehoyakimi, neɀinonyaŋgadza ɀake ɀaakaita, neɀakawanikwa maari, tarirai ɀakanyorwa mubuku yamadzimambo aIsraeri naJuda; Jehoyakini mŋanakomana wake akamuteʋera paʋushe.
9Jehoyakini wakataŋga kuɓata ʋushe aʋa namakore masere, akaɓata ʋushe paJerusarema mŋedzi mitatu namazuʋa anegumi; akaita ɀakaipa pamberi paJehova. 10Ɀino gore rakati rapera mambo Nebukadnezari akatuma nhume ʋakamuisa Babironi, pamŋe cete nenhumbi dzinokosha dzeimba yaJehova, akaita munuŋuna wake Zedekia mambo waJuda neJerusarema.
Zedekia mambo wokupedzisira waJuda. Nebukadnezari unoputsa Jerusarema nokutapa ʋaJuda.
11Zedekia wakataŋga kuɓata ʋushe aʋa namakore makumi maʋiri nerimŋe; akaɓata ʋushe paJerusarema makore anegumi nerimŋe. 12Akaita ɀakaipa pamberi paJehova Mŋari wake; haana‐kuɀininipisa pamberi pomuprofita Jeremia, waitaura mashoko aibva pamuromo waJehova. 13Wakamukira ʋo mambo Nebukadnezari, wakaŋga amupikisa naMŋari; asi wakawomesa mutsipa wake, nokuwomesa mŋoyo wake, akarega kutendeʋukira kunaJehova Mŋari waIsraeri. 14Ʋuye ʋakuru ʋose ʋaprista naʋanhu ʋakaɗarika ɀikuru kwaɀo, ʋakateʋera ɀinonyaŋgadza ɀose ɀaʋahedeni, ʋakaȿiɓisa imba yaJehova yaakaŋga atsaura paJerusarema. 15Jehova Mŋari wamadziɓaɓa aʋo akatuma mashoko kwaʋari nenhume dzake, acifumira maŋgwanani acituma; nokuti wakaŋga anetsitsi naʋanhu ʋake ʋuye nenɀimbo yake; 16asi ʋakaseka nhume dzaMŋari, ʋakaɀidza mashoko ake, ʋakaɗaɗira ʋaprofita ʋake, kuȿikira Jehova atsamŋira ʋanhu ʋake, kuȿikira ʋasicagoni kurapxa. 17Saka wakaʋuyisa mambo waʋaKardea kwaʋari, akaʋuraya majaya aʋo nomunondo paimba yaʋo tȿene; haana‐kunzwira tsitsi kunyaŋge jaya, kana musikana, kana mutana, kana wakacena vudzi; wakaʋaisa ʋose muruʋoko rwake. 18Nhumbi dzose ʋo dzeimba yaMŋari, huru neɗuku, nefuma yeimba yaJehova, nefuma yamambo neyamacinda ake, wakaɀiisa ɀose Babironi. 19Ʋakapisa imba yaMŋari, ʋakaputsa ruȿiŋgo rweJerusarema, ʋakapisa dzimba dzose dzoʋushe dzaro nomŋoto, ʋakaparadza nhumbi dzose dzinokosha dzaro. 20Aʋo ʋakaŋga ʋapukunyuka pamunondo, wakaenda naʋo Babironi; ʋakandoʋa ʋaranda ʋake naʋaʋanakomana ʋake kuȿikira ʋushe ʋuciɓatwa naʋaPersia; 21kuti shoko raJehova, rakaŋga rarebga nomuromo waJeremia, riitike; kuȿikira nyika yafarira masaɓata ayo, nokuti paŋguʋa yose yokuparadzwa kwayo yakaceŋgeta masaɓata, ikaȿitsa makore anamakumi manomŋe.
Koreshi mambo wePersia unotendera ʋaJuda kudzoka.
22Ɀino negore rokutaŋga raKoreshi mambo wePersia, kuti shoko raJehova rakaŋga rarebga nomuromo waJeremia riitike, Jehova wakamutsa mŋeya waKoreshi mambo wePersia, akaparidza paʋushe bgake bgose, akaɀinyora ʋo, aciti: 23Ɀanzi naKoreshi mambo wePersia: Jehova Mŋari wokuɗeŋga wakandipa ʋushe bgose bgenyika, akandiraira kuti ndimuʋakire imba paJerusarema riri paJuda. Aninani uri’po pakati penyu waʋanhu ʋake, Jehova Mŋari wake ŋgaaʋe naye, ŋgaakwire hake’ko.
Zvasarudzwa nguva ino
II Makoronike 36: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018