I Samueri 14:1-23

Ɀino rimŋe zuʋa Jonatani mŋanakomana waSauro akati kujaya raiɓata nhumbi dzake dzokurwa nadzo: Hendei tiyambukire kuɓoka raʋarwi ʋaʋaFiristia ʋari mhiri uko. Asi haana‐kuʋudza ɓaɓa ʋake. Sauro wakaŋga agere pamugumo weGibea, pasi pomutamba wakaŋga uri paMigroni; wakaŋga anaʋarume ʋaneŋge mazana matanhatu naye. Ahija, mŋanakomana waAhitubi, mukuru waIkabodi, mŋanakomana waPinehasi, mŋanakomana waEri, wakaŋga ari muprista waJehova paShiro, akafuka efodi. Ʋanhu ʋakaŋga ʋasiŋgaziʋi kuti Jonatani waenda. Ɀino pakati pemipata, Jonatani paakaŋga aciɗa kuyambukira napo mhiri kuɓoka raʋarwi ʋaʋaFiristia, pakaŋga paneshoŋgwe yebge kurutiʋi rumŋe, neshoŋgwe yebge ɀe kunorumŋe rutiʋi; zita reimŋe rakaŋga riri Bozezi, nezita reimŋe Sene. Shoŋgwe imŋe yakaŋga imire kurutiʋi rwokumsoro pamberi paMikmashi, neimŋe ɀe kurutiʋi rwezasi pamberi peGeba. Ɀino Jonatani akati kujaya raiɓata nhumbi dzake dzokurwa nadzo: Hendei tiyambukire kuɓoka raʋarwi raʋasino‐kudziŋgiswa aʋa; ɀimŋe Jehova ucatiɓatsira, nokuti hakunecinhu ciŋgadziʋisa Jehova kuponesa, kunyaŋge naʋazhinji kana naʋashoma. Ipapo muɓati wenhumbi dzake dzokurwa nadzo akati kwaari: Itai ɀose ɀamunofuŋga; endai henyu, ini ndine’mi pamunoɗa kuita napo. Ipapo Jonatani akati: Tarira, ticayambukira kuʋarume aʋo, tindoɀiratidza kwaʋari. Kana ʋakati kwatiri: Mirai kuȿikira taȿika kwamuri, ticaramba timire kwatiri, hatiŋgakwiri kwaʋari. Asi kana ʋakati: Kwirai ʋuno kwatiri, ticakwira, nokuti Mŋari waʋaisa mumaʋoko eɗu; ndico cicaʋa ciratidzo kwatiri. Ɀino ʋose ʋari ʋaʋiri ʋakaɀiratidza kuɓoka raʋarwi ʋaʋaFiristia. ƲaFiristia ʋakati: Tarira, ʋaHeberu ʋoɓuɗa mumakomba maʋakaŋga ʋakaʋanda. Ʋarume ʋeɓoka raʋarwi ʋakapindura Jonatani nomuɓati wenhumbi dzake dzokurwa nadzo, ʋakati: Kwirai ʋuno kwatiri, tikuratidzei cinhu. Jonatani akati kumuɓati wenhumbi dzake dzokurwa nadzo: Kwira unditeʋere, nokuti Jehova waʋaisa mumaʋoko aʋaIsraeri. Jonatani akakwira namaʋoko ake namakumbo ake, muɓati wenhumbi dzake dzokurwa nadzo acimuteʋera; iʋo ʋakakundwa naJonatani, nomuɓati wenhumbi dzake dzokurwa nadzo akamuteʋera aciʋuraya. Ɀino pakuʋuraya uku kwokutaŋga, Jonatani nomuɓati wenhumbi dzake dzokurwa nadzo ʋakaʋuraya ʋarume ʋaneŋge makumi maʋiri pahafu yendima yomunda. Ʋanhu, ʋakaŋga ʋari pamisasa, napaminda, naʋanhu ʋose ʋakabvunda; neɓoka raʋarwi, naʋaparadzi, naiʋo ʋakabvunda; nenyika ʋo yakaɗeŋgenyeka; naiɀoɀo kwakaŋga kunokubvunda kukuru. Ɀino nharirire dzaSauro paGibea kwaBenjamini ʋakatarira, ʋakaʋona ɓoka guru raʋanhu ricinyaŋgarika, ricipararira. Ipapo Sauro akati kuʋanhu ʋaakaŋga anaʋo: Ʋereŋgai ɀino, muʋone kuti ndianiko usisi’po kwatiri. Ɀino ʋakati ʋaʋereŋga, ʋakaʋona kuti Jonatani nomuɓati wenhumbi dzake dzokurwa nadzo haʋa’po. Sauro akati kunaAhija: Ʋuya pano neareka yaMŋari. Nokuti areka yaMŋari yakaŋga iri’po pakati paʋana ʋaIsraeri neŋguʋa iyo. Ɀino Sauro wakati acataurirana nomuprista, ɓopoto rakaŋga riri pamisasa yaʋaFiristia rikaramba ricinyanya. Sauro akati kumuprista: Dzosa ruʋoko rwako. Sauro naʋanhu ʋose ʋaakaŋga anaʋo ʋakaʋuŋgana, ʋakarwa, ʋakawana munondo womumŋe nomumŋe ucirwa neshamŋari yake, kukaʋa nokutambudzika kukuru. NaʋaHeberu, ʋaiɓatsira ʋaFiristia kare, ʋakaŋga ʋakwira naʋo kumisasa ʋaibva kunhiʋi dzose, naiʋo ʋakaʋashandukira, ʋakaɓatsira ʋaIsraeri ʋakaŋga ʋanaSauro naJonatani. Ɀino ʋarume ʋose ʋaIsraeri, ʋakaŋga ʋakaʋanda kunyika yamakomo yaEfraimi, ʋakati ʋacinzwa kuti ʋaFiristia ʋotiza, naiʋo ʋakaʋateʋera kuzorwa naʋo. Naiɀoɀo Jehova akaponesa ʋaIsraeri nomusi uyo; kurwa kukapfuʋura napaBeti‐aveni.