Mavhesi emuBhaibheri Ane Mukurumbira kubva kuna Romans 8

Pakurirana nevamwe

Ammu taku un cha losan un makmakwa ked kawachin Apudyus para si bumaɏuwan cha mangay-ayat kan siya un chilutukala un mangwa si simsimmokla.

Ked sigulachuwok un lappun makaisila kan chitaku si ayat Apudyus, ulay lu otoy willu biyeg, ulay cha angheles willu cha aɏan, ulay kilabyelin, willu mapasamak kan chitaku si salaʼn timpu willu umaliʼn timpu, ulay awed ud langit ya awed si chaɏom chi pita willu losan un killingwan Apudyus, lappun makwaʼn makaisila kan chitaku si ayat Apudyus un impailala gapu kan Apu Jesu Kristu.

Ked isula bo un tuɏungan chitaku si Ispiritun Apudyus si kilakapsut taku, ti achipun taku ammu ustuʼn iluwalu taku. Ngim ha Ispiritu mismu un mangiluwalu si chawaton taku kan Apudyus un achipun taku maibungangay.

Ked himman bo kasin taku ibyega lù? Ta lu awed si Apudyus kan chitaku, lappun bò amin makaabyak kan chitaku!

Ked si sala, losan taku un litimpuyug kan Jesu Kristu, achipun taku machusa.

Lu ha pion chi long-eg chi mangituray si somsomok taku, mambyaleg un matoyan taku. Ngim lu Ispiritun Apudyus chi mangituray si somsomok taku, matatagu taku ya lumin-awa somsomok taku.

Ngim ulay lu makwa losan cha kamatchi kan chitaku, mamangɏog taku gapu kan Jesu Kristu un mangay-ayat kan chitaku!

Lu somsomkok cha ligat taku si salaʼn timpu ked achipun miyisu si kilabiɏun chi makwa kan chitaku si umaliʼn eɏgew.

Ked lappun makwaʼn makaisila kan chitaku si ayat Kristu. Ulay achu malibukan willu ligat taku, willu mapampaligatan taku, willu mauɏat taku, ulay awed kaog-ogyat un makwa kan chitaku ya ulay patoyon chitaku.

Ked si Apudyus un sin-ammu si somsomok taku ked ammula somsomok chi Ispiritu, ti ha Ispiritu mangiluwalu para kan chitaku un tagula un mitimbuɏuy si pion Apudyus.

Ti losan un taguʼn ichaɏan chi Ispiritun Apudyus, chicha aalak Apudyus.

Ti cha taguʼn maluɏut si lawwing un pion chi long-egcha, siya bo mangituray si somsomokcha cha pipion chi long-egcha un lisisigud si tagu. Ngim cha taguʼn maluɏut si pion chi Ispiritun Apudyus, ked potgoncha bo Ispiritu un mangituray si somsomokcha.

Achipun Apudyus gilagaan chi mismuʼn alakla, ngim inchuyala siya para kan chitaku losan. Lu inchuyala Alakla kan chitaku, ha magaga kamman un mangatod si losan kan chitaku? Achipun!

Ked ha Ispiritun Apudyus, siya mangipagikla si ispiritu taku un tuttuwaʼn aalak Apudyus chitaku. Ked gapu ta aalak Apudyus chitaku, makatawid taku kan cha ipatawidla kan cha losan un tagula. Ya makatawid taku bo kan cha losan un impatawidla kan Jesu Kristu. Ti lu mipati taku si ligat Kristu, sigulachuʼn mipati taku bo si machayawala.

Ti cha taguʼn siyad sosomkoncha sigud un pipion chi long-egcha, chicha kabusuɏn Apudyus ti achipuncha suɏuton chi lintog Apudyus. Ya achipuncha makasuɏut si hachi

Ti losan un killingwan Apudyus utla pita, uuwayoncha mangipain-an Apudyus si kilangatun cha aalakla.

Ti ammu taku un inggala si sala, maligligatan cha losan un killingwan Apudyus un isun chi malliligat chi umalak un byebyai.