Mavhesi emuBhaibheri Ane Mukurumbira kubva kuna Jeremiya 7

Pakurirana nevamwe

Nokuti handina kutaura namadzibaba enyu, kana kuvaraira panguva yandakavabudisa panyika yeIjipiti pamusoro pezvipiriso zvinopiswa kana zvibayiro; asi ndakavaraira chinhu ichi, ndichiti, ‘Tererai inzwi rangu, ndigova Mwari wenyu, nemi muchaba vanhu vangu; mufambe nenzira yose yandichakurairai, mugova nomufaro.’

Asi havana kuterera, kana kurerekera nzeve dzavo, asi vakafamba nokurangarira kwavo nohukukutu hwemwoyo yavo, vakadzokera shure; havana kupfuura mberi.

“Nokuti kana mukaruramisa kwazvo nzira dzenyu nezvamunita, kana muchiita zvakarurama munhu mumwe nomumwe kunowokwake. “Kana musingamanikidzi mutorwa, nenherera, nechirikadzi, mukasateura ropa risina mhosva panzvimbo ino, nokusatevera vamwe vamwari, vanokuisai panjodzi; ipapo ndichakugarisai panzvimbo ino, panyika yandakapa madzibaba enyu, kubvira panguva yakare kusvikira nokusingaperi.

“Zvanzi naJehovha wehondo, Mwari waIsiraeri, ‘Ruramisai nzira dzenyu nezvamunoita, ndigokugarisai panzvimbo ino.’