Mavhesi emuBhaibheri Ane Mukurumbira kubva kuna Deuteronomio 11

Pakurirana nevamwe

Ʋuye munofanira kuadzidzisa ʋana ʋenyu, mucitaurirana pamsoro pawo, kana iwe ugere paimba yako, kana ucifamba panzira, kana uciʋata pasi, ʋuye kana ucimuka

Naiɀoɀo munofanira kuceŋgeta mashoko aŋgu awa mumŋoyo yenyu nomumŋeya yenyu; munofanira kuasuŋgira pamaʋoko enyu, ciʋe ciratidzo, ʋuye anofanira kuʋa rundanyara pakati pameso enyu.

Ɀino kana mukaterera ɀakanaka mirairo yaŋgu, yandinokuraira nhasi, mukaɗa Jehova Mŋari wenyu nokumushumira nomŋoyo wenyu wose ʋuye nomŋeya wenyu wose, ndicapa nyika yenyu mvura paŋguʋa yayo, mvura yokutaŋga nemvura yokuteʋerera, kuti ugone kukohwa ɀiyo ɀako, newaini yako, namafuta ako.

Naiɀoɀo unofanira kuɗa Jehova Mŋari wako, nokuceŋgeta ŋguʋa dzose murairo wake, neɀaakatema, neɀaakatoŋga, neɀaakaraira.

Tarirai, nhasi ndinoisa pamberi penyu kuropafadzwa nokutukwa; kuropafadzwa, kana mukaterera mirairo yaJehova Mŋari wenyu, yandinokurairai nhasi; nokutukwa, kana musiŋgatereri mirairo yaJehova Mŋari wenyu, asi mucitsauka panzira yandinokurairai nhasi, mukateʋera ʋamŋe ʋamŋari ʋamusina‐kuziʋa.

unofanira kuanyora pamagwatidziro emikoʋa yeimba yako, napamasuʋo ako; kuti mazuʋa enyu awedzerwe, namazuʋa aʋana ʋenyu, panyika yakapikirwa madziɓaɓa enyu naJehova kuti ucaʋapa iyo, aite samazuʋa okuɗeŋga pamsoro penyika.

Cenjerai kuti mŋoyo yenyu irege kunyeŋgerwa, murege kutsauka, mukashumira ʋamŋe ʋamŋari, nokunamata kwaʋari