Mavhesi emuBhaibheri Ane Mukurumbira kubva kuna Deuteronomio 10

Pakurirana nevamwe

Ɀino, Israeri, Jehova Mŋari wako unotȿakeiko kwauri, asi kuti utye Jehova Mŋari wako, ufambe munzira dzake dzose, nokumuɗa, nokushumira Jehova Mŋari wako nomŋoyo wako wose ʋuye nomŋeya wako wose, nokuceŋgeta mirairo yaJehova, neɀaakatema, ɀandinokuraira nhasi kuti ufare ɀakanaka.

Nokuti Jehova Mŋari wenyu ndiMŋari waʋamŋari, naShe wamadzishe, Mŋari mukuru, unotyisa, usiŋgatsauri ʋanhu, kana kugamucira muɓayiro.

Naiɀoɀo dziŋgisai mŋoyo yenyu, murege kuʋa nemitsipa mikukutu.

Iye unoruramisira nherera necirikadzi, unoɗa mutorwa, acimupa ɀokudya neŋguʋo.

Ndiye waunofanira kurumbidza, ndiye Mŋari wako, wakakuitira ɀinhu iɀi ɀikuru ɀinotyisa, ɀawakaʋona nameso ako.

Unofanira kutya Jehova Mŋari wako; unofanira kumushumira iye, nokumunamatira, nokupika nezita rake.

Tarira, ɗeŋga neɗeŋga ramateŋga, nenyika neɀose ɀiri mukati mayo, ndeɀaJehova Mŋari wako.

Naiɀoɀo munofanira kuɗa mutorwa, nokuti imi makaŋga muri ʋatorwa panyika yeEgipita.