Marako 6
6
1Kandi mwalwayo; mwasa omu kitaka kyowabo; abasomesebwawa bewe mubamukwamera. 2Kandi Sabiti yabere yamahika, mwatandeka erisomesya omu isoroleryo; abanene babere bamowa mubasweka, mubabuga ambwa Onu alusaya hayi ebinywa ebi? kandi ambwa Magezi ki ano ono awahebawa? nebyamani ebikingana aho ebikolirwe omu maboko iwe? 3Siyonu omubatzi omwana wa Malyamu, omugenzi wa Yakobo, na Yose, na Yuda, na Simoni? nabali babo situli nabo hanu owetu? 4Mubamusitalaho. Yesu mwababwera atya Nabi salibulawa ekinyimyo, mbenu omu kitaka ekyo wabo, nomu luwanda lwabo, nomu nyumba yewe. 5Kandi mwatasobola erikola oku ekyamani ekyosye, mbenu amairaho amaboku iwe ha balwere abake mwabalamya. 6Kandi mwasweka eritindikirirya lyabo.
Kandi yagendagendaga omu maka ha musike eyosye, nyanemusomesya.
7Kandi mwamuberekera ikumi nababiri, mwatandeka eribatuma babiri babiri; mwabaha obusobozi ha milimu emibi; 8mwababwerera sibatwale ekintu ekyamu nzera; mbenu omuigo musa, mubyanabya ebyalya, muyanabya isaho musanabya rupiya omu miriki yabo: 9baitu erigenda bayibohire esyanketo omu bisando; kandi atya simwambale ekanzi ibiri. 10Mwababwera atya Enyumba yosye yosye hamukandisingira neho muikalege mwamahikya erilwayo. 11Nomwanya wosye wosye ekitandisyabakirirya, eritandibowa, musaba mukalwayo mukungute ecucu eyeri omu bisando byanyu, eribya mujulizi ahabali. 12Kandi mubagenda mubatulawo erisubamu. 13Mubahiga daimona esyenene, mubuhakabya amawuta ha balwere abanene, mubabalamya.
14Kandi Herode omukama mowa, baitu erina liwe lyabya erinasibwe; mwabuga atya Yohana Omubatiza alamire omu bahulire, amani ano neryo mwakolera omuleyo. 15Baitu abandi mubabuga ambu Niyo Eriya, Abandi mubabuga ambu Nabi, ngomu hali banabi. 16Baitu Herode, abere amowa mwabuga atya Yohana owonatwaho omutwe, niyo alamire, 17Baitu Herode yawene mwatuma mwawata Yohana mwamuboha mwamuyira omu nyumba eyenkomo habwa Herodiya omukali wa muwala wabu Firipo: baitu mwamuhikya. 18Baitu Yohana mwabwera Herode atya Sikiwene iwe erikala nomukali wa muwala wenyu. 19Na Herodiya neryo yamunobire, mwanza erimwita: baitu mwatasobola: 20baitu Herode mwasaga Yohana, enyane mwasi eribya omuntu ahikirire, oyokera, mwamulinda. Kandi abere amamowa mwasubulyasubulya; mwamowa neriyanza. 21Kandi ekero ekiwene kyabere kyamahika, Herode ekiyahukiramu abakungu bewe obugenyi ha kero ekyeributwa eriwe, nabakulu babaserukali, nabakama aba Galiraya; 22kandi omumbesa wa Herodiya oyowene abere amasa nyanemuhinda ensenda, Herode nabo ababya banikere nayo erirya mubamwanza: kandi omukama mwabwera omumbesa atya Nsaba ekyokanza ekyosye ngandikuhakyo. 23Mwamulahera atya Ekyosye ekyosye ekyokandinsaba, ngandikuhakyo, nomukyanaba ekicweka ekyobukama bwage. 24Kandi mwahuluka mwabwera nyinya, atya Ngandisaba ki? Mwabuga atya Omutwe wa Yohana Omubatiza. 25Eryoneryo mwankuha mwasa hali omukama, mwasaba, mwabuga atya Nganza ompempe hano omu rucuba omutwe wa Yohana Omubatiza. 26Kandi omukama mwabiherwa kutsebu baitu habwebirahero biwe, na habwabo ababya banikere nayo erirya, mwatanza erimwima. 27Eryoneryo omukama mwatuma omuserikale omu baduma mwalayera erileta omutwe wewe; mwagenda mwamutwaho omutwe omu nyumba eyenkomo, 28mwaletera omutwe wewe omu rucuba; mwahawo omumbesa; omumbesa mwahawo nyinya. 29Kandi abasomesebwawa bewe babere bamowa, mubasa, mubutwala ekinda kyiwe, mubakiyira omu nsinda.
30Kandi abakwenda mubasonkanya ahali Yesu, mubamutulirawo ebinywa ebyosye ebibakolire, nebibasomesirye. 31Mwababwera atya Mwase nyabene omu bihwehwe omu mwanya ahatalimo abantu, muhumuleho kake. Baitu babya baneho banene, abasaga nabagendaga, kandi babya batawete akatambi muhanabya aherirya. 32Mubagendera omu bwato omu bihwehwe omu mwanya nambere hatemo abantu. 33Kandi abantu mubabalankera ebanemugenda, banene mubabamenyirera, nabo abalwa omu bikali byosye mubatebeta ha bwerere, mubabatangisa eyi. 34Abere alwa omu bwato, mwalangera esyendeko nene, mwabaganyera, baitu babya ebanesusene ngesyambule esitawete omulisya, mwatandeka eribasomesya ebinywa binene. 35Kandi obutuku bwabya bwamahika eriira, abasomesebwawa bewe mubasa ahaleyo ebanemubuga ambu Hanu nikisuki, kandi obutuku bukabya eriira; 36obasendeke bagende omu kitaka nomu maka owahererene bayegulire ebyalya. 37Baitu mwasubamu mwababwera atya Inywe mubahe ebyalya. Mubamubwera ambu Tugende tuwule emigati edinali bibiri, tubaheyo balye? 38Mwababwera atya Munawete emigati yingahi? Mugende mulankere. Babere bamamenya babuga ambu Etanu, namahere abiri. 39Mwabalayera bikale abosye, esyendeko esyendeko ha bunyantse obulere. 40Mubikala omu milondo eyerigana neyamakumi atanu. 41Mwawata emigati etanu namahere abiri, mwalankera ha lubula omu lubula, mwasima, mwatwamu emigati mwaha abasomesebwawa bewe bayiireyo omu meso awabalya; namahere abiri mwabagabirawo bosye. 42Mubalya bosye mubuwuta. 43Kandi mubasonkyaho obukunkumuka, mubusulya ebitiri ikumi nabibiri, nobwamahere nabwo. 44Abo abalya emigati babya bali abalume ngamagana atano.
45Eryoneryo mwahambiriza abasomesebwawa bewe eryandagala omu bwato, bamutandikeyo eyeserya Besesaida, eyo abuge eribasendeka esyendeko. 46Kandi abere amabuga eribaraga, mwagenda ha buruka erisaba. 47Kandi obutuku bwabya buirire, obwato bwabya buli omu mweriba omukatikati, eyo nyanikere eyowene ha bulambo. 48Kandi abere amabana ebanemuluhibwa erisoka, baitu erihunga lyabya mulyahuluka omu meso, omu kisisimuko ekyakane ekyomu kero, mwasa nambere bali, mwagendera ha nketzi; kandi abya enyanemusosa eribalabako, 49baitu abo babere bamubana enyanemugendera ha nketzi, mubalenkekanya ambu omulimu, mubalaka: 50baitu abosye mubamulankera, mubabihirwabihirwa. Baitu eryoneryo mwakanya nabo, mwababwera atya Muwume emitema; ngiyono; simusage. 51Mwahetuka omu bwato habali, erihunga mulyalwaho; mubasweka kutsebu omu mutema yabo; 52baitu ebyemigati mubatabimenya, kandi emitema yabo yabya eyiwumangene.
53Kandi babere bamasoka, mubasa omu kitaka kya Genesalesi mubagomerya ha mukyingyi. 54Kandi babere bamalwa omu bwato eryoneryo mubamumenyerera, 55mubatebeta, mubagotera ekitaka eki kyosye, mubatandeka erihekera abalwere ha nkyinko hababya bowire aneho. 56Kandi habya yagendaga hosye, mbenu omu miyi, mbenu omu bikali, mbenu omu maka, balalaya abalwere omu tutale, mubamwesengererya bakole buyera ha mukumirero wekiryambala kyiwe, kandi abosye abakolahoga mubalama.
Aktuálne označené:
Marako 6: KOO1914
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1914.
